Futbol internazzjonali
Futbol internazzjonali: Il-leġġendarju Pele ma jridx joħroġ mid-dar minħabba saħħtu

It-tliet darbiet rebbieħ tat-Tazza tad-Dinja, Edson Arantes Do Nascimento Pele, ma jridx joħroġ mid-dar minħabba li ma jistax jimxi sew u mingħajr l-għajnuna ta’ ħaddieħor.

Din l-aħbar żvelaha ibnu stess, Edinho, f’intervista li ta lil TV Globo.

“Immaġinaw, dejjem kien meqjus ir-rè. Dejjem kien figura bi preżenza qawwija kull fejn jidher, u llum spiċċa ma jistax jimxi sew,” qal iben Pele.

“Qed iħossu imbarazzat. Ma jridx joħroġ mid-dar u ma jridx jidher aktar jew jagħmel affarijiet li bihom ikollu joħroġ minn bieb il-barra,” ikkonkluda Edinho.

Pele, ta’ 79 sena, kien ġie operat f’saqajh ftit taż-żmien ilu u minn dakinhar, qatt ma reġa’ mexa jekk mhux bl-għajnuna ta’ xi ħadd jew saħansitra fuq siġġu tar-roti.

Pele skurja rekord ta’ 1,281 gowls fil-karriera f’1,363 partita. Hu dam jilgħab 21 sena.

Mat-tim nazzjonali Brażiljan, Pele skurja 77 gowl f’91 partita.

Miktub minn...
TVM Sport
Aħbarijiet Oħra
Futbol internazzjonali

Il-gowlkiper Niġerjan ta’ Abia Warriors Charles Tambe beda jirkupra wara tir li qala’ f’idu u f’darhu waqt serqa li saret u li nzerta f’nofsha. Is-serqa saret fil-belt ta’ Ibadan il-Ġimgħa…

Futbol internazzjonali

L-attakkant tal-Ġermanja u ta’ Bayern Munich iffirma kuntratt ġdid mal-klabb sa Ġunju 2023. Muller ta’ 30 sena, li kien se jiskadilu l-kuntratt f’Ġunju tas-sena d-dieħla, lagħab karriera sħiħa mal-klabb Bavarjan….

Futbol internazzjonali

Il-perjodu li fih isir is-suq tat-trasferimenti fl-Ingilterra se jkollu jiċċaqlaq u miegħu se tiċċaqlaq ukoll id-data ta’ dawk il-kuntratti li suppost kellhom jintemmu fit-30 ta’ Ġunju. Jidher li biex dan…

Futbol internazzjonali

F’każ il-Qorti li nstema’ lbieraħ fl-Amerka, ħareġ li diversi uffiċjali tal-FIFA kienu tħallsu biex taw il-vot tagħhom lir-Russja u lil Qatar biex jospitaw it-Tazza tad-Dinja. Din l-aħbar tawha l-Prosekuturi tal-każ….

Aktar