Futbol internazzjonali
Futbol internazzjonali: Il-President tal-UEFA Aleksander Ceferin mhux kontestat u mistenni jibqa’ fil-kariga tal-UEFA tal-inqas għal terminu ieħor

Il-President tal-UEFA Aleksander Ceferin mistenni jibqa’ fil-kariga tal-UEFA tal-inqas għal terminu ieħor hekk kif issa hu kkonfermat li mhux se jkun ikkontestat għal din il-kariga.

Il-vot għal eżekuttiv tal-UEFA mistenni jittieħed fi Frar li ġej f’elezzjoni li ssir fost l-Assoċjazzjonijiet membri kollha tal-Ewropa.

Ceferin ta’ 51 sena hu Avukat mis-Slovenja, u kien elett President tal-UEFA fl-2016 billi rebaħ f-elezzjoni lill-Olandiż Michael van Praag.

L-elezzjoni kienet waslet wara li l-ex President Michel Platini ġie sospiż mill-Kumitat tal-etika tal-FIFA minħabba vjolazzjonijiet li wettaq.

L-elezzjoni li se jkun hemm fil-UEFA hi dik għal min se jimla s-siġġu tal-Viċi President li se jkun rappreżentant fil-FIFA bi Greg Clarke mill-Federazzjoni tal-Ingilterra li se jikkontesta lil David Martin mill-Federazzjoni tal-Irlanda ta’ Fuq.

L-elezzjoni ssir fis-7 ta’ Frar li ġej.

Miktub minn...
Mark Attard
Ġurnalist ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programmi UEFA Europa League Highlights u UEFA Champions League Highlights.
Aħbarijiet Oħra
Futbol internazzjonali

Fid-derby ta’ Manchester il-Ħadd li għadda, kienu ħafna li tkellmu dwar kif il-maniġer Pep Guardiola beda b’seba’ plejers li xtara hu stess kemm ilu mal-klabb, filwaqt li Jose Mourinho għażel…

Futbol internazzjonali

Kienet lejla li żgur irid jinsa malajr dik tal-Ħadd li għadda, għaliex għal Gonzalo Higuain l-affarijiet ma setgħux imorru aktar ħażin milli marru. Bħalissa Higuain jinsab ma’ Milan, b’sena self…

Futbol internazzjonali

Il-Federazzjoni Spanjola tal-Futbol aċċettat l-ingaġġ permanenti ta’ Santiago Solari bħala l-kowċ il-ġdid ta’ Real Madrid. Minn mindu ħa lit-tim f’idejh l-Arġentin, Real irnexxilhom jirbħu l-erba’ logħbiet li lagħbu fi żmien…

Futbol internazzjonali

Real Madrid mistennija jaħtru lil Santiago Solari bħala l-kowċ il-ġdid tagħhom. L-Assoċjazzjoni Spanjola qalet li kienet irċiviet il-kuntratt ta’ Solari mil-La Liga, iżda ma kien hemm l-ebda stqarrija uffiċjali tal-klabb…

Aktar