Futbol internazzjonali
Futbol Internazzjonali: La Liga titlob li l-El Clasico jiċċaqlaq għal Madrid minħabba l-protesti li għaddejja bħalissa f’Barcelona

La Liga talbu lill-Federazzjoni Spanjola tal-Futbol sabiex l-El Clasico li għandu jintlagħab dan ix-xahar jiċċaqlaq u jintlagħab f’Madrid minflok f’Barcelona. Dan wara l-protesti kbar u t-tensjoni dejjem tikber fil-Katalunja. Nhar it-Tnejn li għadda, disa’ mexxejja Katalani weħlu sentenzi ta’ bejn 9 u 13-il sena ħabs minħabba li kellhom irwol importanti fir-referendum illegali li kien sar u li għax ma kienx suċċess spiċċa qajjem protesti u tensjonijiet kbar fir-reġjun tal-Katalunja.

L-El Clasico bejn Barcelona u Real Madrid suppost għandu jintlagħab nhar is-Sibt 26 t’Ottubru fin-Nou Camp, b’La Liga qiegħda tittama li l-ewwel logħba tintlagħab fil-Bernabue, imbagħad dik f’Katalunja tintlagħab f’Marzu tas-sena d-dieħla.

Bil-protesti li għaddejjin bħalissa kellhom jitħassru numru ta’ titjiriet filwaqt li ġie rrappurtat ħafna ġlied bejn dawk li qed jipprotestaw u l-pulizija. Skont rapporti mill-midja Spanjoli, jidher li s’issa kien hemm aktar minn 51 arrest u madwar 150 persuna kellhom jiddaħħlu l-isptar għall-kura minħabba ġrieħi li sofrew.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Sports Internazzjonali

Mil-lejla għall-ewwel darba fuq l-istazzjonijiet ta’ TVM, it-Tazza tad-Dinja tal-FIFA tal-Beach Soccer. Din hi l-għaxar edizzjoni tat-Tazza tad-Dinja tal-Beach Soccer kemm ilha taħt il-kappa tal-FIFA, u qed tintlagħab fil-Paragwaj. Propju…

Futbol internazzjonali

Jose Mourinho, il-manager il-ġdid ta’ Tottenham Hotspur ġie preżentat lill-media ftit tal-ħin ilu fl-ewwel konferenza tal-aħbarijiet mal-klabb ta’ Londra. Mourinho qal li aċċetta li jingħaqad ma’ Tottenham bil-filosofija “li mhux…

Futbol internazzjonali

L-ex plejer ta’ Manchester United u tal-Ingilterra David Beckham appella lill-mexxejja tad-dinja u lill-adulti biex jisimgħu l-vuċi tat-tfal u dak kollu li jkollhom xi jgħidu. Beckham qal dan f’avveniment tan-Nazzjonijiet…

Futbol internazzjonali

TL-Iżvediż Zlatan Ibrahimovic jinsab f’taħditiet ma’ Milan sabiex jirritorna lura fis-Serie A. Ibrahimovic, li għandu 38 sena, bħalissa jinsab bla tim wara li telaq minn ma’ LA Galaxy, imma ma…

Aktar