Futbol internazzjonali
Futbol Internazzjonali: Lejla memorabbli għal Barcelona kontra Sevilla, anke jekk spiċċaw b’2 plejers inqas
Il-Ħadd filgħaxija fin-Nou Camp, Barcelona għelbu lil Sevilla bl-iskor ta’ 4-0, f’logħba li spiċċaw jilagħbu b’9 plejers. Imma għalkemm il-konfront kien imtappan b’żewġ tkeċċijiet, matul il-logħba ġew milħuqa tragwardi li jistgħu jintlaħqu minn timijiet tal-istatura ta’ Barcelona.
L-ewwel tragward kien milħuq mill-goalkeeper Ġermaniż Marc-Andre ter Stegen li sar l-ewwel barrani li lagħab 200 logħba bejn il-lasti ta’ Barcelona. Sal-bieraħ, l-ebda goalkeeper barrani ma rnexxielu jwassal daqstant logħbiet fil-lasti tat-tim Katalan.
Fl-ewwel taqsima, Luis Suarez u Arturo Vidal skurjaw żewġ gowls wara xulxin, u bit-tielet ta’ Ousmane Dembélé l-kowċ Ernesto Valverde laħaq it-tragward li taħt it-tmexxija tiegħu Barcelona skurjaw 300 gowl fil-kompetizzjonijiet kollha. Dawn it-300 gowl ġew skurjati fi spazju ta’ ftit aktar minn sentejn.
L-1 gowl – Lionel Messi kontra Real Madrid f’Awwissu 2017
Il-100 gowl – Lionel Messi kontra Atlético Madrid f’Marzu 2018
Il-200 gowl – Ousmane Dembélé  kontra Espanyol f’Diċembru 2018
It-300 gowl – Ousmane Dembélé kontra Sevilla f’Ottubru 2019
Biss dan ma kienx biżżejjed f’lejla memorabbli għal Katalani, għaliex ir-raba’ gowl kien skurjat minn ġmiel ta’ freekick ta’ Lionel Messi, u b’hekk niżżel ismu bħala l-uniku plejer f’La Liga li rnexxielu jiskorja f’16-il logħba konsekuttiva li lagħab f’dan l-aħħar seklu. Barra minn hekk, il-gowl ta’ Messi kien il-100 wieħed tiegħu li skurja minn barra l-kaxxa.
Dawn it-tragwardi kollha kienu mtappna minn żewġ tkeċċijiet li sofrew Barcelona fl-aħħar 3 minuti tal-logħba. L-ewwel tkeċċija kienet għad-debuttant Ronald Araujo li waqqa’ lil Javier Hernandez u r-referee keċċih minħabba li kien l-aħħar raġel. Waqt li l-plejers Katalani kienu qed jipprotestaw, ir-referee deher juri l-karta l-ħamra lil Ousmane Dembélé li jidher li l-protesti tiegħu urtaw lill-uffiċjal tal-logħba. Jidher li għalkemm Dembélé bilkemm jaf jitkellem bl-Ispanjol, kien jaf biżżejjed biex jgħid lir-referee li mhuwa tajjeb għalxejn, u għal din ir-raġuni l-uffiċjal bagħtu qabel sħabu fid-dressing room.
Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

L-attakkant ta’ Porto Moussa Marega ħalla l-grawnd bi protesta wara korijiet razzisti fil-konfront tiegħu waqt il-logħba bejn Vitoria Guimaraes u Porto. L-attakkant ta’ 28 sena mill-Mali rnexxilu jiskorja t-tieni gowl…

Futbol internazzjonali

Tħabbret il-mewt ta’ Herry Gregg, l-ex gowlkiper Irlandiż ta’ Manchester United. Gregg baqa’ jissemma bħala wieħed mill-eroj tat-traġedja tal-ajru ta’ Munich li fiha kien involut it-tim ta’ Manchester United, lura…

Futbol internazzjonali

Manchester City ġew sospizi sentejn milli jikkompetu fil-kompetizzjonijiet Ewropej, UEFA Champions League u UEFA Europa League, għal ksur serju fir-regoli tal-financial fair play. Apparti din is-sospensjoni li tista tiġi appellata,…

Futbol internazzjonali

Tard ilbieraħ filgħaxija, il-President ta’ Juventus Andrea Agnelli u d-Direttur Ġenerali Fabio Paratici, sejħu lill-kowċ Maurizio Sarri biex miegħu jiddiskutu l-futur ta’ Juventus għal kumplament tal-istaġun. Jidher li din il-laqgħa…

Aktar