Futbol internazzjonali
Futbol Internazzjonali: Real Madrid mistennija jagħmlu taqliba totali fis-sajf li ġej

Real Madrid huma mistennija li jkollhom eżodu ta’ players li jħallu lill-klabb u oħrajn ġodda li jingħaqdu mal-Los Blancos fis-suq tat-trasferimenti li jmiss. Għalkemm Zinedine Zidane reġa’ ħa lit-tim f’idejh ftit tax-xhur wara li kien telaq mill-Bernabeu, id-differenza bejn it-tim li rebaħ tliet Champions League infila u dak li kien din is-sena, kienet evidenti għall-aħħar. It-taqlib fil-klabb Madrilen beda minn meta telqu Zidane u Cristiano Ronaldo. Il-coach il-ġdid Julien Lopetegui ma tantx dam imexxi lit-tim, u wara li ma sabx player denju li jieħu post Ronaldo, spiċċa mkeċċi huwa wkoll u minfloku daħal Santiago Solari li xorta ma bidilx it-triq tan-niżla li kien qabad it-tim.

Jidher li fis-suq tat-trasferimenti li jmiss, Real Madrid ser ikunu b’saħħithom ħafna u Zinedine Zidane se jkollu fondi biżżejjed biex jifforma skwadra li terġa’ tisfida għall-unuri.

Il-ġurnal rinomat Spanjol, Marca, qiegħed jgħid li Real Madrid ser ineħħu madwar 14-il player dan is-sajf.  Keylor Navas, Jesus Vallejo, Theo Hernandez, Sergio Reguilon, Dani Ceballos, Marcos Llorente, Mateo Kovacic, James Rodriguez, Martin Odegaard, Oscar Rodriguez, Gareth Bale, Lucas Vazquez, Brahim Diaz u Mariano Diaz kollha jistgħu jħallu l-Bernabeu f’xi ħin jew ieħor fis-suq tat-trasferimenti li jmiss. Forsi l-aktar sorpriża minn dawn l-ismijiet kollha huwa Keylor Navas u dan għaliex Zidane kien żamm lura milli jiffirma lil Kepa Arrizabalaga sena u nofs ilu minħabba li kellu lill-goalkeeper Kolombjan.

S’issa, kemm Eder Militao u anke Rodrygo diġa’ ħabbru li ser jitilqu lir-Real Madrid, filwaqt li Ferland Mendy, Eden Hazard u Luka Jovic mistennija jkunu parti mil-Los Blancos fl-istaġun li ġej. Bħalissa qegħdin jissemmew ukoll Paul Pogba, Christian Eriksen u Donny van der Beek bħala midfielders li jistgħu jkunu parti mit-tim ta’ Zidane.

Li huwa żgur hu, li fl-istaġun li ġej, Real Madrid ser ikunu ħafna differenti mit-tim li kienu f’dan l-istaġun.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol internazzjonali

Atalanta u Inter irnexxilhom jieħu l-aħħar żewġ postijiet għall-UEFA Champions League fl-istaġun li ġej filwaqt li Milan baqgħu b’xiber imnieħer. Wara li kmieni waranofsinhar Torino għelbu lil Lazio 3-1, u…

Futbol internazzjonali

Illum wara nofs in-nhar minn Grupp B il-Ġappun għelbu lill-Messiku bl-iskor ta’ 3-0. Taisei Miyashiro fetaħ l-iskor fil-21 minuta biex fit-tieni taqsima l-Ġappun skurjaw darbtejn oħra minn Kyosuke Tagawa fit-52…

Futbol internazzjonali

Charlton ġew promossi għaċ-Championship wara li f’Wembley Stadium llum wara nofs in-nhar fil-play off għall-promozzjoni huma għelbu lil Sunderland bl-iskor ta’ 2-1. Kienu Sunderland li fetħu l-iskor minn auto goal…

Futbol internazzjonali

Il-players ta’ Bayern Munich iċċelebraw ir-rebħ tad-double bi pranzu kbir is-Sibt filgħaxija. Iċ-Champions Bayern għelbu lil Leipzig bl-iskor ta’ 3-0 fil-finali tat-Tazza Ġermaniża aktar kmieni s-Sibt. Il-gowls ta’ Bayern waslu…

Aktar