Futbol internazzjonali
Futbol Internazzjonali: Rebħa għall-Arsenal kontra Watford, Atalanta miżmuma minn Empoli

Watford 0  Arsenal 1

Gowl ta’ Pierre-Emerick Aubameyang kien biżżejjed għall-Gunners biex ħarġu rebbieħa fuq Watford bl-iskor ta’ 1-0. Il-gowl wasal wara 10 minuti logħob, b’Watford jispiċċaw bi plejer inqas minuta wara meta Deeney dabbar karta ħamra diretta. B’din ir-rebaħ Arsenal telgħu bl-istess punti daqs Chelsea, 66, u allura jinsabu żewġ punti fuq Manchester United u punt taħt Tottenham Hotspur li jinsabu fit-tielet post. Dan ifisser li bejn it-tielet u s-sitt post hemm biss 3 punti u allura mistennija tkompli tiħrax it-taqtiegħa għall-aħħar żewġ postijiet tal-UEFA Champions League fl-istaġun li ġej.

Intant, mill-Kampjonat Premier Ingliż illejla tintlagħab logħba waħda fid-20:45 bejn Brighton u Cardiff.

 

Atalanta 0  Empoli 0

Atalanta kienu miżmuma dro f’darhom kontra Empoli bl-iskor ta’ 0-0. Atalanta xxuttjaw xejn inqas minn 32 xutt lejn il-lasti avversarji, bi 18 minnhom ikunu indirizzati għal ġewwa imma l-ebda ballun ma’ mess ix-xibka. B’dan id-dro Atalanta baqgħu fis-sitt post tal-klassifika b’53 punt, filwaqt li Empoli baqgħu fiż-żona tar-relegazzjoni b’29 punt.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Atlético Madrid ħabbru akkwist ieħor matul dan is-suq tat-trasferimenti. Id-difensur laterali ta’ Tottenham Hotspur, Kieran Trippier, ingħaqad mat-tim Spanjol għas-somma ta’ €22 miljun. Il-plejer ta’ 28 sena telaq minn Londra…

Futbol internazzjonali

Il-captain t’Ajax, Matthijs de Ligt, it-Tlieta filgħaxija wasal Turin sabiex jagħmel it-test mediku qabel jiffirma ma’ Juventus għas-somma ta’ €75 miljun. Iż-żagħżugħ ta’ 19-il sena li wassal lil Ajax sas-semifinali…

Futbol internazzjonali

Skont rapporti li ħerġin mill-media Ingliża u Spanjola, id-difensur ta’ Tottenham Hotspur Kieran Trippier ser jingħaqad m’Atlético Madrid. Skont id-Daily Telegraph, Trippier diġa’ jinsab fil-kapitali Spanjola sabiex jiftiehem it-termini tal-kuntratt…

Futbol internazzjonali

Illum jibda l-kampjonat Ewropew tan-Nisa ta’ taħt id-19-il sena li se jsir fl-Iskozja. Fi Grupp A hemm l-Iskozja, l-Olanda, in-Norveġja u Franza. Fi Grupp B hemm l-Ingilterra, il-Belġju, Spanja u…

Aktar