Futbol internazzjonali
Futbol internazzjonali: Ronaldo jilħaq qbil li jħallas multa ta’ €18.8m minħabba evażjoni ta’ taxxa

Cristiano Ronaldo, il-plejer ta’ Juventus FC u tal-Portugall, laħaq ftehim mal-Qorti ta’ Madrid fi Spanja, biex iħallas kważi €19,000,000 f’multa talli evada t-taxxa fiż-żmien li kien jilgħab ma’ Real Madrid.

Preżenza kbira ta’ ġurnalisti u partitarji kienu barra l-bieb tal-Qorti fejn kellu jidher CR7 minħabba li l-Imħallef ma aċċettax talba li l-plejer jagħmel ‘video call’ mal-Qorti jew jibqa’ dieħel sal-bini ta’ ġewwa bil-karozza biex jevita l-pubbliku.

Il-ftehim, li kien milħuq minn qabel is-sentenza, jinkludi wkoll 23 xahar ħabs sospiżi iżda fi Spanja, dawk li jinstabu ħatja ta’ evażjoni ta’ taxxa b’piena ta’ anqas minn sentejn, ħafna drabi ma jmorrux ħabs.

Rapporti fil-media internazzjonali qed jgħidu li Ronaldo aċċetta mill-ewwel dak li proponew il-Prosekuturi tal-każ.

Ronaldo deher fil-Qorti fil-kumpanija tas-sieħba tiegħu Georgina Rodriguez.

Miktub minn...
TVM Sport
Aħbarijiet Oħra
Futbol internazzjonali

Grupp A Paris St Germain jegħlbu barra minn darhom lil Club Brugge bi skor ta’ 5-0. Paris St Germain fil-vantaġġ b’gowl wara 7 minuti ta’ Mauro Icardi. Fit-tieni taqsima, it-tim…

Futbol internazzjonali

Matul il-ġurnata tat-Tnejn ħarġet il-lista ta’ 30 plejer li għamluha mal-lista finali għar-rebħ tal-Ballun tad-Deheb ta’ din is-sena. Fil-kategorija tal-irġiel, l-akbar numru ta’ plejers jilagħbu fil-Kampjonat Premier Ingliż, filwaqt li…

Futbol internazzjonali

Mil-lejla tirritorna l-UEFA Champions League bi tmien logħbiet minn erba’ gruppi differenti. Il-logħob tal-lejla huwa dan: GRUPP A 21:00 Club Brugge – PSG 21:00 Galatasary – Real Madrid GRUPP B…

Futbol internazzjonali

Fis-Serie A, draw bejn Brescia u Fiorentina bl-iskor ta’ 0-0. Brescia fetħu tajjeb ħafna tant li fis-6 minuta ħasbu li marru fil-vantaġġ meta Florian Aye daħal quddiem il-goalkeeper avversarju u…

Aktar