Futbol internazzjonali
Futbol Internazzjonali: Sadio Mané jippreferi jgħin lill-foqra milli jkollu karozzi u arloġġi lussużi

L-attakant tas-Senegal u ta’ Liverpool Sadio Mané tkellem dwar l-għajnuna li qiegħed jagħti lil pajjiżu u pajjiżi oħra Afrikani. F’intervista li kellu mal-kamra tal-aħbarijiet NsemWoha.com, Mané saħaq li għalih mhuwiex importanti li jkollu 10 Ferraris, xi 20 arloġġ bid-djamanti jew inkella xi ajruplan jew tnejn privati. Żvela li meta kien għadu tfajjel, hu wkoll kien ibati l-ġuħ, kien jaħdem fl-għelieqi u affaċċja sitwazzjonijiet li xejn ma kienu faċli f’ħajtu. Is-Senegaliż tkellem dwar it-tfulija tiegħu u kif ma kellux iċ-ċans li jikseb l-edukazzjoni li tant hija importanti, imma llum, permezz tas-suċċessi li qiegħed jikseb bil-futbol, jista’ jgħin lin-nies ta’ pajjiżu u pajjiżi oħra Afrikani.

Sadio Mané huwa magħruf li jagħti l-flokkijiet tiegħu bħala donazzjoni sabiex jintlibsu mit-tfal, kif ukoll jassisti diversi proġetti bħalma huma bini ta’ skejjel u djar f’diversi villaġġi fis-Senegal. Mané huwa Musulman, u jidher li anke f’Merseyside jagħti daqqa t’id, billi kultant imur fil-Moskea jnaddaf. Skont dawk li jkunu miegħu, huwa bniedem kwiet u tar-rispett, u ħafna mix-xogħol li jagħmel jagħmlu bla wisq pompi. Sadio Mané mhuwiex l-uniku plejer li jgħin lill-foqra u lil dawk li verament jinsabu fil-bżonn, għaliex nisimgħu b’diversi stejjer ta’ plejers kbar li jagħtu donazzjonijiet kbar għal diversi proġetti.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Is-27 ta’ Mejju kellha tkun il-ġurnata li fiha tintlagħab il-finali tal-Europa League fil-Gdansk Stadium. Imma bħal ħafna sport ieħor madwar id-dinja, din il-finali kellha tiġi sospiża minħabba l-imxija tal-coronavirus. Il-kompetizzjonijiet…

Futbol internazzjonali

Borussia Dortmund 0   Bayern Munich 1 Bayern Munich fetħu vantaġġ ta’ 7 punti fil-quċċata tal-Bundesliga b’rebħa ta’ 1-0 għand ir-rivali diretti u t-tieni kklassifikati Borussia Dortmund. Biżżejjed il-goal waħdani ta’…

Futbol internazzjonali

Hekk kif irritorna l-Bundesliga u hemm ħsieb li l-Premier League jitkompla fl-20 ta’ Ġunju beda jiżdied l-inkwiet fuq il-possibilita’ ta’ żieda ta’ injuries tal-players. Skond il-Kap Eżekuttiv tal-Premier League Richard…

Futbol internazzjonali

L-Iżvediż Zlatan Ibrahimovic weġġa’ waqt li kien qed jitħarreġ ma’ Milan. Il-plejer ta’ 38 sena jidher li weġġa’ l-pexxul, u għalkemm il-klabb ma ħareġ l-ebda stqarrija, il-Gazzetta dello Sport u…

Aktar