Futbol lokali
Futbol lokali: Augusto Caceres ta’ Senglea Athletic FC jirbaħ l-unur tal-BOV Plejer tax-Xahar għal Jannar 2019

Il-forma pożittiva li jinsabu fiha Senglea bħalissa, u li tathom it-tama li jżommu posthom fl-ogħla diviżjoni tal-futbol Malti bla dubju ngħatat spinta permezz tal-wirjiet eċċellenti ta’ Augusto Caceres.

Caceres skorja l-ewwel gowl ta’ Senglea għall-2019 fir-rebħa tagħhom ta’ 4-0 fuq Qormi. Fit-tlettax-il minuta tal-partita, Caseres interċetta tqassima minn Leighton Grech u b’ħeffa u ħila kbira għeleb lill-gowler Jamie Azzopardi meta b’daqqa ta’ ras stupenda tefa’ l-ballun fix-xibka.

Senglea ma setgħux ikollhom ftuħ aħjar kontra Mosta. Kien biss fir-raba’ minuta tal-partita, li Caseres sab l-ispazju fil-kaxxa ta’ Mosta u wara tqassima mingħand Gonzalo Leyton, għeleb lil Andreas Vella biex irreġistra t-tielet gowl tiegħu f’dan l-istaġun.

Charles Azzopardi, Kap Eżekuttiv tal-PR u l-Marketing fil-Bank of Valletta ppreżenta t-Trofew tal-BOV Plejer tax-Xahar għal Jannar 2019 lil Caseres li għażel lil Creche tal-Ursolini biex jibbenefikaw mid-donazzjoni assoċjata ma’ dan l-unur.

Miktub minn...
TVM Sport
Aħbarijiet Oħra
Futbol lokali

Tħabbar li ż-żewġ logħbiet mill-kwartifinali tal-FA Trophy li kellhom jintlagħbu għada fl-istadium Nazzjonali f’Ta’ Qali kienu mħassra minħabba l-maltemp. Fl-ewwel logħba ta’ għada Balzan kellhom jiltaqgħu kontra Tarxien u fit-tieni…

Futbol lokali

Birkirkara ppreżentaw l-akkwisti u l-isponsors il-ġodda f’konferenza stampa organizzata llum wara nofsinhar li ġiet indirizzata mill-President Frank Zarb, mid-Drettur Tekniku Michael Valenzia u mid-Direttur Sportiv John Arne Riise. Frank Zarb,…

Futbol lokali

Bejn għada u l-Ħadd, jintlagħbu l-erba’ kwarti tal-finali tal-FA Trophy, fejn minnhom iridu joħorġu s-semifinalisti għal dan l-istaġun. It-tmien kowċis li se jkunu nvoluti f’dawn il-partiti ngħaqdu f’daqqa fil-Millennium Stand…

Aktar