Futbol lokali
Futbol lokali: Il-Complaints Board tal-MFA jagħti raġun lil Giovanni Tedesco; irid iħallas €5,000 flok is-€96,000 li talbuh Hamrun Spartans

Il-Complaints Board tal-Malta Football Association ta raġun lil Giovanni Tedesco, dwar iċ-ċifra li d-diriġenti tal-ex klabb tiegħu Hamrun Spartans kienu qed jitolbuh iħallas talli ngħaqad ma’ Gżira United FC qabel ma temm il-kuntratt fiż-żmien stipulat.

TVM Sport jinsab infurmat li ftit tal-ħin ilu, kemm Tedesco u anki Hamrun Spartans irċivew din id-deċiżjoni iżda s’issa, l-ebda naħa ma kkumentat fuq il-każ.

Ġie Deċiż li Tedesco jrid iħallas iċ-ċifra ta’ €5,000 hi l-istess ċifra li l-kowċ Taljan ried iħallas fil-bidu tal-każ, skont il-Liġi ta’ Malta u skont il-kuntratt tiegħu. Din iċ-ċifra hi nofs il-paga li kellu Tedesco.

Madankollu, Hamrun Spartans kienu talbu kumpens lil Tedesco tat-tliet snin paga li kellu. Ma’ dawn, il-klabb Ħamruniż talab ukoll lil Tedesco biex iħallas id-differenza tal-paga li kellu, għal dik li għandu Manuele Blasi, il-kowċ preżenti. Dan it-total kien jammonta għal ftit aktar minn €96,000.

Dan il-każ instema’ f’Ġunju li għadda u l-Bord iltaqa’ l-ġimgħa li għaddiet biex tittieħed id-deċiżjoni finali.

Jidher li din id-deċiżjoni, bħal f’ħafna mid-deċiżjonijiet li ttieħdu fl-aħħar snin, ma tawx raġun lil Hamrun Spartans.

Miktub minn...
TVM Sport
Aħbarijiet Oħra
Futbol lokali

KAMPJONAT BOV PREMIER 2019/20 Ħamrun S………0 Valletta …………1 Valletta temmew l-ewwel rawnd fit-tieni post flimkien ma’ Gżira wara li fl-aħħar logħba tar-rawnd għelbu l-isfida ta’ Ħamrun Spartans grazzi għal daqqa…

Futbol lokali

Illum, ħaddiema tal-manutenzjoni tal-Malta Football Association, neħħew il-partijiet li ġarbu ħsarat bir-riefnu li għamel fil-ġranet li għaddew. Dawn il-ħsarat setgħu kkawżaw periklu u kien minħabba din ir-raġuni li lbieraħ tħassru…

Futbol lokali

KAMPJONAT BOV PREMIER 2019/2020 Sliema ………….1 Floriana………..2 Floriana żiedu l-vantaġġ fil-klassifika għal sitt punti meta rebħu konfront mill-iktar interessanti kontra Sliema bl-iskor ta’ 2-1. Floriana kellhom bidu mill-aqwa hekk kif…

Futbol lokali

Żewġ gowls drammatiċi fl-aħħar tal-partita għenu lil Żurrieq Sunrise iwettqu waħda mill-ikbar sorpriżi fil-MAFA Christmas Cup meta eliminaw lill-favoriti Marsa St Michael sabiex qatgħu passaġġ għall-finali ta’ nhar is-Sibt li…

Aktar