Futbol lokali
Futbol lokali: Isaac Ntow ta’ Hibernians FC sospiż erba’ partiti

Isaac Ntow, id-difesnur laterali ta’ Hibernians FC, ġie sospiż erba’ partiti.

Din l-informazzjoni ingħatat mill-Malta Football Association li bagħtet l-informazzjoni kollha tal-plejers u l-uffiċjali li ġew sospiżi fil-partiti ta’ tmiem il-ġimgħa li għaddiet.

Ntow intwera żewġ karti sofor u tkeċċa waqt il-partita kontra Valletta FC tal-Ħadd li għadda li Hibernians FC tilfu bi skor ta’ 2-1.

Ilbieraħ, Hibernians daħlu protest fl-MFA dwar dak li qed isejħu żball tekniku tar-referee Philip Farrugia li saffar tmiem l-ewwel taqsima sekondi qabel iż-żewġ minuti li ngħataw żejda.

TVM Sport jinsab infurmat li dan il-protest se jinstema’ fl-uffiċini tal-MFA it-Tnejn li ġej mis-18..00 ‘il quddiem.

Fl-istess partita tkeċċa anki Stefano Sanderra, kowċ ta’ Hibernians u issa hi kkonfermata li ġie sospiż żewġ partiti.

Plejer ieħor ta’ Hibernians li ġie sospiż partita hu Joseph Mbong.

Il-plejers l-oħra mill-Kampjonat BOV Premier li ġew sospiżi partita huma Steve Pisani u Nenad Slijivic ta’ Balzan; Matias Garcia ta’ Senglea Athletic, Goran Adamovic u Claudio Pani ta’ Sliema Wanderers u Daniel Zerafa ta’ Tarxien Rainbows.

Fl-istess stqarrija l-MFA infurmat li Riccardo Gaucci, President ta’ Floriana ġie sospiż partita.

Miktub minn...
TVM Sport
Aħbarijiet Oħra
Futbol lokali

KAMPJONAT BOV PREMIER 2018/19 Mosta   …………1 Gżira    ……..…..1 Gżira salvaw draw fl-aħħar sekondi tal-partita kontra Mosta f’logħba li ntemmet draw  ta’ 1-1 Mosta fetħu l-iscore fil-ħames minuta meta minn cross…

Futbol lokali

U minn għada s-Sibt sat-Tnejn li ġej ikompli l-Kampjonat BOV Premier bil-25 ġurnata. Il-partiti ta’ tmiem il-ġimgħa jkunu dawn: Is-Sibt 20 ta’ April – Hibernians Stadium 16.00 Pieta’ Hotspurs –…

Futbol lokali

John Buttigieg, l-ex kowċ ta’ Sliema Wanderers u tat-tim nazzjonali Malti, se jinħatar kowċ ta’ Birkirkara FC fis-sigħat li ġejjin. Buttigieg hu wieħed mill-iktar kowċis ta’ esperjenza kbira b’karriera brillanti…

Futbol lokali

Għaxar plejers tal-kampjonat BOV Premier ġew sospiżi partita fi tmiem il-ġimgħa li għaddiet. Għaldaqstant, huma mhux se jkunu eliġibbli li jilagħbu l-partita li jmiss. Dawn huma Enzo Ruiz ta’ Floriana;…

Aktar