Futbol lokali
Futbol lokali: Jonathan Caruana lura għat-taħriġ ma’ Valletta minn għada l-Ġimgħa

Jonathan Caruana, il-plejer ta’ Valletta u tat-tim nazzjonali Malti mistenni jirritorna fil-futbol Malti minn għada hekk kif se jerġa’ jibda jitħarreġ ma’ Valletta u jkun eliġibbli mill-partita li jmiss.

Fl-aħħar sigħat, in-NADO, li kienet issospendiet lil Caruana għal erba’ snin minn kull attività tal-futbol, ġiet mgħarrfa li kien hemm żball fil-proċedura tat-test li sar fis-sustanza li kien inqabad pożittiv biha Caruana lura f’Marzu tal-2016.

Peress li Caruana hu atleta elite, kien sarlu test barra mill-kompetizzjoni fejn kienet instabet traċċa ta’ sustanza projbità fit-test tiegħu.

Il-plejer, fid-difiża tiegħu, dejjem sostna li hu qatt ma ħa sustanzi projbiti u dejjem kien konvint li kien hemm żball.

Jonathan Caruana għandu 32 sena u hu wkoll ex plejer tat-tim nazzjonali Malti. Hu mistenni jirritorna għat-taħriġ minn għada l-Ġimgħa.

Għadu mhux magħruf jekk Caruana hux se jfittex lura għad-danni.

Miktub minn...
TVM Sport
Aħbarijiet Oħra
Futbol lokali

Kienu Matthew Paris, Ludovico Micallef u Adrian Casha li kisbu l-iktar ammont ta’ voti fl-elezzjoni għal tliet postijiet bħala Viċi Presidenti tal-MFA. B’kollox kien hemm sitt kontestanti għal din il-kariga…

Futbol lokali

Bjorn Vassallo huwa l-President il-ġdid tal-Malta Football Association wara li iktar kmieni llum rebaħ l-elezzjoni għall-ogħla kariga tal-MFA meta rebaħ l-elezzjoni meta għeleb lill-Chris Bonett. L-elezzjoni saret waqt il-Laqgħa Ġenerali…

Aktar