Futbol lokali
Futbol lokali: L-MFA issejjaħ laqgħa urġenti tal-Eżekuttiv għal għada…se tipproponi biex l-istaġun jitkompla fis-sajf

Il-Malta Football Association se tkun qed tipproponi xenarji differenti dwar kif se jitkomplew il-kompetizzjonijiet domestiċi f’pajjiżna fosthom li dawn jintlagħbu fix-xhur tas-sajf wara l-bibien magħluqa.

TVMSport jinsab infurmat li Bjorn Vassallo, President tal-MFA, sejjaħ laqgħa urġenti tal-Eżekuttiv għal għada l-Erbgħa u li fiha se jikkomunika suġġeriment li ta wkoll il-President tal-UEFA Aleksander Ceferin.

F’intervista li ta fl-aħħar sigħat, Ceferin sostna li “aħjar futbol bil-bibien magħluqa u fuq it-televiżjoni milli bla futbol.”

Persuna midħla sew tal-futbol Malti u li tkellmet ma’ TVMSport sostniet li minkejja li hi deċiżjoni li żżomm il-futbol għaddej, din tista’ tħalli impatt ferm negattiv kemm mil-lat finanzjarju iżda wkoll minn dak soċjali. Wieħed irid jara wkoll jekk il-klabbs hux se jkunu jistgħu jilħqu l-ftehim kollu neċessarju mal-plejers tagħhom biex jibqgħu f’Malta fis-sajf ukoll jew jekk telqu diġà f’pajjiżhom, biex jiġu lura.

TVMSport jinsab infurmat li fil-laqgħa tal-Eżekuttiv ta’ għada, l-aġenda ewlenija se tkun meta u jekk hux se jkompli l-futbol f’Malta.

Din se tkun l-ewwel laqgħa tal-Kumitat Eżekuttiv minn meta l-futbol lokali kien sospiż, wara li matul fl-aħħar ġimgħat l-MFA ħadmet aktar fuq dawk li kienu u għadhom il-prijoritajiet waqt din il-pandemija.

Sorsi li għandu TVMSport jikkonfermaw li komplew ukoll il-laqgħat mid-Djalogu Soċjali u dan biex jintlaħaq aktar kunsens bejn il-klabbs u plejers rigward l-obbligi kuntrattwali u r-riduzzjoni tas-salarji. Waqt dawn il-laqgħat saret ukoll diskussjoni mal-awtoritajiet governattivi biex il-futbol lokali jkun jista’ jibbenifika mill-assistenza finanzjarja tal-Malta Enterprise.

F’mument meta l-attività sportiva tinsab wieqfa kullimkien u meta ħadd ma jista’ jagħti garanziji ta’ meta t-taħriġ tal-atleti u l-kompetizzjonijiet sportivi se jkomplu, dejjem jekk l-imxija tal-Covid-19 itaffi, kull Assoċjazzjoni qiegħda tipprova taħdem fuq xenarji li jagħtu direzzjoni lill-klabbs, l-atleti, l-amministraturi u l-partitarji biex dawn ikunu f’pożizzjoni li jippreparaw għal dak il-jum meta niġu lura għan-normal.

Fil-futbol internazzjonali qiegħdin nisimgħu bi klabbs li bdew b’taħriġ speċifiku, fosthom fil-Ġermanja, iżda f’ħafna pajjiżi oħra tal-Ewropa fosthom f’Malta, t-taħriġ għadu pprojbit b’mod indefinit mill-awtoritajiet tas-saħħa.

Fil-fatt, fil-livell ta’ futbol, din tista’ tkun l-akbar sfida għall-UEFA minħabba li se jkunu l-awtoritajiet ta’ kull pajjiż li se jistabilixxu meta l-attività sportiva għandha tirritorna għan-normal u mhux il-UEFA jew xi Assoċjazzjoni Ewropea jew Dinjija oħra.

Għalhekk se jkun impossibli tistabillixi jekk il-kompetizzjonijiet Ewropej tal-UEFA Champions League u l-UEFA Europa League hux se jkunu jistgħu jkomplu skont ix-xenarji fittizzji li kienu ppreżentati mill-UEFA lill-membri tagħha matul l-aħħar laqgħa virtwali li saret il-ġimgħa l-oħra.

Miktub minn...
TVM Sport
Aħbarijiet Oħra

Il-mira tal-imprenitur Joseph Portelli, f’isem Hamrun Spartans, hi dik li “jirbaħ il-kampjonat u jimla Strada Rjali bin-nies“. Dan qalu Portelli stess fuq il-mikrofonu ta’ TVMSport hekk kif intemmet il-konferenza tal-aħbarijiet,…

UEFA Europa League: Rd 2 ta’ Kwalifikazzjoni Hibernians…0 Fehérvár…….1 Goal waħdani mas-siegħa logħob ra lil Hibernians eliminati fit-2 Round ta’ Kwalifikazzjoni tal-UEFA Europa League minn Fehérvár tal-Ungerija. L-ewwel taqsima rat lill-Ungeriżi fil-parti…

L-MFA illum sejħet lill-media sabiex tagħti l-aħħar dettalji tal-preparazzjonijiet li qed issiru qabel il-bidu tal-kampjonat BOV Premier 2020/21 u r-regolamenti straordinarji li kellhom jidaħħlu f’din in-normalita’ ġdida. Is-Segretarju Ġenerali tal-MFA…

Fin-National Football Stadium ta’ Windsor Park f’Belfast, iċ-champions lokali Floriana llejla jeħduha kontra ċ-champions tal-Irlanda ta’ Fuq Linfield għal post fit-3 Round ta’ Kwalfikazzjoni tal-UEFA Europa League. Floriana sabu ruħhom…

Aktar