Futbol lokali
Futbol lokali: L-MFRA tirtira d-direttiva tat-taħriġ tal-VAR b’mod temporanju u b’sens ta’ rieda tajba

Il-Malta Football Referees Association ħabbret lill-membri tagħha li se b’mod temporanju qiegħda tirtira d-direttiva tat-taħriġ tal-VAR.

Referees lokali kienu qed jintbagħtu fl-OB Unit tax-xandir dirett biex jibdew jitħarrġu l-mod ta’ kif taħdem il-Video Assistant Referee fil-partiti tal-futbol.

Madankollu, fil-jiem li għaddew, wara laqgħa bejn il-President tal-MFA Norman Darmanin Demajo u r-referees lokali, li ma niżlet xejn tajjeb mal-istess referees, l-MFRA ħarġet bl-ewwel direttiva li l-ebda referee ma jmur aktar fl-OB Unit waqt ix-xandir dirett tal-partiti tal-Kampjonat BOV Premier.

Jidher li fl-aħħar jiem intlaħaq qbil li erba’ rappreżentanti tal-MFRA u r-referees lokali kienu se jiltaqgħu mal-President tal-MFA f’laqgħa li mistennija ssir it-Tlieta li ġej.

Għaldaqstant, l-MFRA, qalet li b’mod temporanju u mingħajr preġudizzjoni kienet qiegħda tissospendi din id direttiva u r-referees membri tagħha se jkunu preżenti għal dan it-taħriġ tal-VAR proprju mill-partiti tal-lum wara nofsinhar.

L-MFRA qalet ukoll li qed tagħmel dan bħala rieda tajba qabel il-laqgħa tat-tlieta li ġej u l-erba’ referees lokali se jmorru jitkellmu fuq pakkett li ġie diskuss u approvat mill-membri kollha tal-Assoċjazzjoni tar-referees.

TVM Sport jinsab infurmat li parti mill-pakkett li se jkun diskuss mal-President hu dwar żieda mmedjata lill-uffiċjali kollha, xi ħaġa li r-referees lokali ilhom ma jieħdu għal dawn l-aħħar snin.

Jekk dan ma jseħħx jerġgħu jidħlu fis-seħħ aktar direttivi li jistgħu jkunu aktar ħorox li jwasslu għal ‘strike’ totali tar-referees kollha membri tal-MFRA.

Miktub minn...
TVM Sport
Aħbarijiet Oħra
Futbol lokali

L-ex President ta’ Floriana FC, uża l-paġna personali tiegħu ta’ facebook biex dalgħodu kiteb messaġġ lill-partitarji kollha tal-klabb. F’dan il-messaġġ, Said qal li fl-aħħar xhur, ġimgħat u jiem, diversi partitarji…

Futbol lokali

Ftit tal-ħin ilu, Hibernians FC ħadu aħbar xejn sabiħa. L-attakkant internazzjonali Jurgen Degabriele għandu l-kumplament tal-istaġun barra, u possibbilment aktar, wara li qata’ l-ligamenti tal-cruciate u se jkollu bżonn intervent mediku…

Futbol lokali

KAMPJONAT BOV PREMIER 2018/19 GZIRA UTD……..1 B’KARA FC………1 Għal din il-partita l-Maroons kienu taħt it-tmexxija tal-kowċ Jesmond Zerafa li f’dawn l-aħħar ġranet ħa post Darren Abdilla, filwaqt li Naumovski reġa’…

Futbol lokali

KAMPJONAT BOV PREMIER 2018/19 Pieta …..……….0 Balzan.…………3 Fit-tmintax –il ġurnata tal-kampjonat Premier Balzan kisbu tlett punti mportanti wara li għelbu lil Pieta bl-iscore ta’ 3-0 u hija l-ewwel rebħa taħt…

Aktar