Futbol lokali
Futbol lokali: Manuele Blasi jinħatar kowċ ta’ Hamrun Spartans FC

Manuele Blasi, l-ex plejer tas-Serie u tat-tim nazzjonali Taljan, mil-lum sar il-kowċ ta’ Hamrun Spartans FC.

Blasi se jkun qed jibdel lil Giovanni Tedesco li ħalla l-kariga tiegħu biex ingħaqad ma’ Gżira United FC.

Kif żvela TVM Sport fil-jiem li għaddew, Hamrun Spartans iffirmaw ukoll lil Fabrizio Antonini, li se jkun l-assistent ta’ Blasi.

Manuele Blasi hu fost l-aktar kowċis b’ċertifikati ta’ livell għoli li ħareġ minn Coverciano, fl-aħħar snin.

Blasi ffirma kuntratt ma’ Hamrun Spartans li se jorbtu mal-klabb għas-sentejn li ġejjin.

Hekk kif Hamrun Spartans spiċċaw bla kowċ ħesrem, mill-ewwel bdiet il-ħidma mill-President Nunzio Antignani u mid-Direttur Sportiv Gaetano Farruggio, biex jinġieb sostitut denju ta’ Tedesco.

Manuele Blasi lagħab karriera sħiħa fis-Serie A ma’ timijiet bħal Juventus, Fiorentina, Roma, Napoli, Perugia u Palermo.

Blasi mistenni jġib entużjażmu kbir fost il-partitarji Ħamruniżi, tant li għal-lejla ssejjaħ rally mal-partitarji biex ikun ippreżentat lilhom.

Ir-rally għall-partitarji jibda fis-19.00 u jsir fil-Victor Tedesco Stadium, fil-Hamrun.

Miktub minn...
TVM Sport
Aħbarijiet Oħra
Futbol lokali

KAMPJONAT  BOV PREMIER 2019/20 BALZAN FC……………….2 SLIEMA W. FC…………..1 Sliema ħarġu fuq l-attakk u fir-4 minuta  xutt angulat ta’ Cleangelo Jose Pereira u l-ballun jaħbat max-xibka minn barra.  Fis 17…

Futbol lokali

KAMPJONAT BOV PREMIER 2019/20 TARXIEN RAINBOWS…..0 MOSTA FC…………………..4 Wara 6 minuti logħob ċans tajjeb għar-Rainbows li setgħu marru fil-vantaġġ, daqqa ta’ ras mill-viċin ta’ Aleksa Andrejic pero’ l-goalkeeper Andreas Vella…

Futbol lokali

KAMPJONAT BOV PREMIER 2019/20 Gudja Utd…….1 Hibernians……1 Hibernians ġew miżmuma fi dro ta’ 1-1 kontra t-tim promoss ta’ Gudja United li għalihom kienet ukoll l-ewwel logħba uffiċjali fl-ogħla kampjonat Malti….

Futbol lokali

KAMPJONAT BOV PREMIER 2019/20 Valletta…..2 St Lucia….3 Bidu perfett għat team promoss ta’ Santa Lucija hekk kif fid-debutt irnexxilhom jakkwistaw tlett punti ferm importanti kontra ċ-Champions renjanti Valletta. Wara biss…

Aktar