Futbol lokali: Paul Zammit jagħti l-verżjoni tiegħu dwar kif ġraw l-affarijiet bejnu u bejn Birkirkara FC

L-ex-coach ta’ Birkirkara Paul Zammit ta l-verżjoni tiegħu ta’ kif ġraw l-affarijiet bejnu u bejn il-club minn Ottubru li għadda s’issa.

Fi stqarrija mibgħuta lill-media mill-konsulent legali tiegħu, Zammit jgħid li f’Ottubru, tliet xhur wara li ffirma kuntratt ġdid ta’ tliet snin mal-club, huwa ntalab jikkunsidra li jirriżenja, iżda huwa rrifjuta.

Minn dakinhar skont huwa, l-istaff tekniku tiegħu, u l-iskwadra tħallew waħedhom: u minkejja li r-riżultati bdew ġejjin, fi tmiem l-ewwel round f’Diċembru il-club qabad u neħħa players u ġab oħrajn ġodda mingħajr konsultazzjoni miegħu.

Zammit ikompli jgħid li f’Jannar il-club ħatar lil John Arne Riise bħala direttur tekniku u għarrfu li kellu joqgħod għall-ordnijiet tiegħu, minkejja li huwa kien il-head coach u allura kien ifisser ksur kuntrattwali, inkella jitlaq. Zammit m’aċċettax li jitlaq u bi qbil mal-club ġie skużat milli jattendi t-training tal-iskwadra.

Fl-istess żmien Zammit offra lill-club li jitħallas tal-ewwel sena tal-kuntratt, u jaħfer is-sentejn l-oħra, biex il-kuntratt ikun jista’ jiġi terminat: imma l-offerta ma ġietx ikkunsidrata mill-club. Zammit jgħid fl-istqarrija li tentattivi oħra għal soluzzjoni amikevoli ġew injorati mill-club sakemm ma kienx fadallu għażla ħlief li fi Frar iressaq ilment lill-MFA.

L-ilment intlaqa’ u l-club ġie ordnat jagħti lil Zammit kumpens sħiħ: bid-deċiżjoni tkun konfermata dax-xahar wara appell mill-club.

Paul Zammit jistqarr li jiddispjaċih li kellu jasal x’hawn u jagħmilha ċara li huwa m’għandu xejn kontra l-club iżda biss kontra xi individwi fl-amministrazzjoni. Jgħid ukoll li wara li baqa’ kwiet dawn ix-xhur kollha b’rispett għall-players, staff u partitarji: ħass li kellu jitkellem biex jiddefendi r-reputazzjoni tiegħu.

Miktub minn...
TVM Sport
Aħbarijiet Oħra
Futbol internazzjonali

Fiorentina 1   Inter 1 Inter tilfu ċ-ċans li jkunu waħedhom fil-quċċata tal-klassifika meta fl-Artemio Franchi kienu miżmuma minn Fiorentina 1-1. Inter marru minn fuq wara biss tmien minuti meta Borja…

Futbol internazzjonali

Juventus jegħlbu lil Udinese bi skor ta’ 3-1 f’waħda mill-aqwa wirjiet tal-istaġun. Juventus fil-vantaġġ b’gowl ta’ Criatiano Ronaldo wara 9 minuti logħob u l-istess plejer irdoppja fis-37 minuta. Leonardo Bonucci…

Futbol internazzjonali

Premier League Ingliż: Tliet partiti oħra llum. Fil-partita li ntlagħbet aktar tard illum, rebħa konvinċenti għal Manchester City li fl-Emirates Stadium għelbu lil Arsenal bi skor ta’ 3-0. De Bruyne…

Futbol lokali

KAMPJONAT BOV PREMIER 2019/20 Ħamrun S………0 Valletta …………1 Valletta temmew l-ewwel rawnd fit-tieni post flimkien ma’ Gżira wara li fl-aħħar logħba tar-rawnd għelbu l-isfida ta’ Ħamrun Spartans grazzi għal daqqa…

Aktar