Futbol lokali
Futbol lokali: Pembroke Athleta jippreżentaw il-plejers u l-coaching staff

Pembroke Athleta FC preżentaw il-plejers il-ġodda kif ukoll il-coaching staff tagħhom għal dan l-istaġun.

Il-President tal-klabb Alex Calleja beda billi rringrazzja lill-ex kowċ Joseph Grech tas-servizz li ta lill-klabb u lil Jacques Scerri li bħala konsulent tekniku kien u għadu responsabbli mis-settur kollu tan-nursery.

Il-President Calleja qal li l-Kumitat għandu fiduċja sħiħa fil-kowċ preżenti Brian Spiteri li se jkollu miegħu lil Jeffrey Mifsud bħala assistant coach u lil Mike Tabone bħala kowċ tal-goalkeepers.

Il-President ta’ Pembroke Athleta FC qal li ġab lill-plejer spanjol Vallecillo Casado Eduardo u lill-Brażiljan Oliveira Santos Joao Pedro fejn ingħaqdu mal-barranin l-oħra Gustavo Da Silva u Moacir Williamsen.

Alex Calleja qal li l-klabb akkwista wkoll is-servizzi tal-plejers Maltin b’self lill-goalkeeper Philip Schranz mingħand Birkirkara u lid-difensur Aidan Mizzi mingħand Melita. Il-President qal li jinsab fiduċjuż li dawn se jsaħħu sew l-iskwadra li hi bbażata fuq plejers żgħażagħ kif ukoll dawk bl-esperjenza mmexxijin mill-captain Jean Pierre Mifsud Triganza.

Il-klabb ta’ Pembroke Athleta FC ta wkoll ir-release liż-żewġ goalkeepers Antonio Chetcuti u lil Ryan Marmara kif ukoll lil barrani Maxim Focsa li mar jilghab ma’ klabb fil Moldova.

Il-President Calleja rringrazzja lill-isponsors GO FUN għall-energy drinks, lill-General Soft Drinks għall-ilma u lill-FullMarks bil-kits Joma għall-iskwadri  tat-tim tal-kbar kif ukoll dawk tal-minors .

Alex Calleja għalaq il-konferenza billi stieden lil kulħadd għall-fundraising activity li se ssir il-Ħadd 17′ ta’ Frar 2019 fil-grounds ta’ Pembroke biex kulħadd jagħti l-għajnuna lil tifel minn nursery li bħalissa għaddej minn trattament intensiv għall-marda li ħakmitu. Din l-attività se ssir bejn l-10.00 u s-1.00pm.

Miktub minn...
TVM Sport
Aħbarijiet Oħra
Futbol lokali

Ir-referee Għawdxi Mario Apap inħatar bħala l-President il-ġdid tal-Malta Football Referees Association. Hu inħatar waqt laqgħa ġenerali oħra tal-assoċjazzjoni. Ishmael Barbara inħatar bħala Segretarju filwaqt li fir-rwol ta’ Viċi President,…

Futbol lokali

FUTBOL LOKALI Gżira United ippreżentaw l-iskwadra tagħhom għall-istaġun li ġej waqt konferenza stampa li saret ilbieraħ filgħaxija f’post tad-divertiment f’Tas-Sliema. Il-Maroons, li spiċċaw fit-tielet post tal-klassifika kemm fl-istaġun li għadda…

Futbol lokali

Sliema Wanderers ħabbru li akkwistaw lill-plejer mill-Arġentina Juan Cruz Gill. Id-difensur, li għandu wkoll ċittadinanza Taljana, lagħab f’pajjiżna ma’ Valletta u Tarxien Rainbows. Fil-passat, Crus Gill lagħab fil-Premier Division fl-Arġentina…

Aktar