Futbol lokali
Futbol lokali: Possibbiltà li Triston Caruana jkompli l-istaġun fl-Italja

Triston Caruana, il-captain ta’ Hamrun Spartans FC, jista’ jkompli l-istaġun fl-Italja.

TVM Sport jinsab infurmat li fl-aħħar sigħat, il-klabb Ħamruniż irċieva l-aħbar li żewġ klabbs mill-kampjonat Lega Pro fl-Italja, huma interessati fis-servizzi tal-midfielder Malti.

Jidher li dan il-kuntatt sar ma’ Gaetano Farrugio, id-Direttur Tekniku tal-klabb, li min-naħa tiegħu għad irid jitkellem mal-kowċ Giovanni Tedesco u mal-plejer innifsu.

Caruana hu plejer fundamentali għal Hamrun Spartans u qed ikollu wirja aqwa minn oħra fil-kampjonat BOV Premier. Madankollu, fl-aħħar xhur, il-plejer naqas li jsib post fit-tim nazzjonali Malti.

Jekk dan it-transfer iseħħ, jista’ jkun li jkun wieħed permanenti jew b’self sal-aħħar tal-istaġun.

TVM Sport jinsab infurmat li kollox jista’ jkun konkluż sa ġimgħatejn oħra, wara l-partita tas-17 ta’ Novembru kontra Valletta FC, li tkun it-13-il partita tal-kampjonat u tagħlaq l-ewwel rawnd għal Hamrun Spartans FC.

Miktub minn...
TVM Sport
Aħbarijiet Oħra
Futbol lokali

Darren Abdilla hu l-kowċ il-ġdid ta’ Valletta FC. Hu ffirma kuntratt li se jorbtu mal-klabb sal-istaġun 2021/2022. L-aħbar saret uffiċjali ilbieraħ filgħaxija. Abdilla kien strumentali biex Gżira United FC għamlu…

Futbol lokali

Bob Higgins, l-ex Youth Development Officer tal-Malta Football Association, instab ħati fuq 45 kap ta’ akkuża ta’ abbuż sesswali fuq 23 tifel. Higgins kien ingħata din il-kariga fl-MFA f’Lulju tal-1989…

Futbol lokali

Manuele Blasi, l-ex plejer tas-Serie u tat-tim nazzjonali Taljan, mil-lum sar il-kowċ ta’ Hamrun Spartans FC. Blasi se jkun qed jibdel lil Giovanni Tedesco li ħalla l-kariga tiegħu biex ingħaqad…

Futbol lokali

Brandon Cassar, Nickolas Paris u Mattia Calleja huma tliet plejers li jiffurmaw parti mill-iskwadra ta’ taħt it-13-il sena ta’ Fgura United F.C. u li għadhom kif esperjenzaw erbat ijiem taħriġ fi Siena, fl-akkademja…

Aktar