Futbol lokali
Futbol lokali: Xokk kbir għal Hibernians FC u Jurgen Degabriele…staġun u aktar barra!

Ftit tal-ħin ilu, Hibernians FC ħadu aħbar xejn sabiħa. L-attakkant internazzjonali Jurgen Degabriele għandu l-kumplament tal-istaġun barra, u possibbilment aktar, wara li qata’ l-ligamenti tal-cruciate u se jkollu bżonn intervent mediku barra l-pajjiż.

Degabriele weġġa’ waħdu meta waħlitlu saqajh f’azzjoni mingħajr il-ballun li kellu s-Sibt li għadda kontra St Andrews FC fis-Centenary Stadium, f’Ta’ Qali.

Esperti fix-xena medika li tkellmu ma’ TVM Sport qalu li jista’ jkun li l-injury hi gravi ħafna minħabba l-fatt li l-pitch kien iebes u ma xxarrabx qabel il-partiti.

B’referenza għal dan, l-Uffiċċju tal-Komunikazzjoni tal-MFA qal li l-pitch tas-Centenary Stadium hu ċċertifikat FIFA Quality Pro u dan iċ-certifikat jiġġedded kull sena wara testijiet stretti.

L-Uffiċċju tal-Komunikazzjoni qal li dawn it-testijiet isiru fuq pitch mhux imxarrab: u għalkemm rakkomandata waqt li manutenzjoni li ssir b’mod regolari, il-water irrigation mhix obbligatorja. Il-pitch jixxarrab aktar spiss fit-temperaturi għoljin tas-sajf.

TVM Sport jinsab infurmat li Hibernians se jkunu qed jibagħtu lill-attakkant tagħhom biex jagħmel din l-operazzjoni f’Ruma, fl-Italja, malajr kemm jista’ jkun.

Hi xi ħaġa kważi ċerta li Degabriele se jitlef il-kumplament ta’ dan l-istaġun u wisq probabbli parti mill-istaġun li jmiss sakemm jirkupra sew.

TVM Sport jawgura lil Jurgen Degabriele li jkollu ritorn ta’ malajr fil-futbol Malti.

Miktub minn...
TVM Sport
Aħbarijiet Oħra
Futbol lokali

Il-gowlkiper Jurgen Borg, li bħalissa huwa proprjetà ta’ Gzira United FC u f’dan l-istaġun qiegħed b’self ma’ Żebbug Rangers, ġie kkundannat iħallas is-somma ta’ €14,936 u imgħax ta’ 5% lil…

Futbol lokali

It-tim nazzjonali Malti ta’ taħt il-21 sena taħt it-tmexxija tal-kowċ Silvio Vella, beda bit-taħriġ tiegħu fit-Turkija bi preparazzjoni għaż-żewġ partiti ta’ ħbiberija kontra t-Turkmenistan u l-Kosovo. It-training camp tat-tim nazzjonali…

Futbol internazzjonali

Forsi ftit minnkom jafu li mill-1 ta’ Ġunju 2019 li ġej se jidħlu fis-seħħ tibdiliet fir-regolamenti tal-football, hekk kif ġew approvati mill-IFAB (International Football Association Board) Xi wħud minnhom, huma…

Futbol lokali

Għall-ewwel darba, l-Iskola Nazzjonali tal-isport qed tagħti 27 student li jispeċjalizzaw fil-futbol, ​​l-opportunità li jipparteċipaw f’kamp ta’ taħriġ barra l-pajjiż. Dan il-grupp ta’ studenti se jieħdu sehem f’kamp ta’ taħriġ…

Aktar