Futbol lokali
Futbol tan-nisa: Birkirkara champions għas-seba’ darba fl-Istorja

It-team tan-nisa ta’ Birkirkara żamm it-titlu li rebaħ is-sena l-oħra meta fil-konfront deċiżiv għall-kampjonat għeleb lill-isfidanti Hibernians 4-1.

Birkirkara daħlu għall-aħħar logħba tal-istaġun punt vantaġġ fuq Hibernians u draw għalihom kien ikun biżżejjed biex jispiċċaw l-ewwel. Għat-team ta’ Raħal Ġdid kienu jservu biss it-tliet punti.

Quddiem folla ppakkjata fiċ-Charles Abela Stadium tal-Mosta b’danakollu kienu l-Istripes li ħarġu rebbieħa b’wirja konvinċenti. Huma kienu 2-0 minn fuq sa tmiem l-ewwel taqsima b’goals ta’ Stephania Farrugia u Gabriella Zahra: u żiedu tnejn oħra wara l-mistrieħ b’doppjetta ta’ Veronique Mifsud: qabel Dorianne Theuma skorjat il-goal tal-bandiera għal Hibs.

Fi tmiem il-logħba l-Viċi President Anzjan tal-MFA Ludovico Micallef ippreżenta t-tazza taċ-champions lill-captain Stephania Farrugia fost iċ-ċelebrazzjonijiet tal-kamp Karkariż.

Dan huwa s-seba’ titlu mirbuħ minn Birkirkara u l-ewwel wieħed taħt il-coach Melania Bajada: li saret ukoll l-ewwel coach mara li ħadet il-kampjonat.

F’partiti oħra: Mġarr Utd għelbu lil Raiders 2-1, u Kirkop Utd rebħu 4-2 ma’ Tarxien Rainbows.

Klassifika finali: Championship Pool: Birkirkara 49, Hibernians 45, Mġarr Utd 32, Raiders (Luxol) 28, Kirkop Utd 18, Tarxien Rainbows 8. Relegation Pool: Swieqi Utd 22, Fgura Utd 11, Mosta 4.

Miktub minn...
Mark Attard
Ġurnalist ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programmi UEFA Europa League Highlights u UEFA Champions League Highlights.
Aħbarijiet Oħra
Futbol lokali

UEFA Champions League: draw prestiġjuż ta’ 0-0 għal Valletta barra minn darhom għand iċ-champions Albaniżi Kukesi li jħallihom b’ċans tajjeB li javvanzaw għat-tieni round ta’ kwalfikazzjoni. Il-Belt bDew bil-formazzjoni Bonello,…

Futbol lokali

Il-Malta Football Association tħabbar li għadha kemm ħatret erba’ kowċis ġodda fis-settur taż-żgħażagħ. Winston Muscat ġie maħtur bħala kowċ tat-tim nazzjonali ta’ taħt id-19-il sena. Muscat, li f’din il-kariga ħa…

Futbol lokali

Għada fis-Centenary Stadium fis-6pm Balzan jilqgħu lil Keshla tal-Ażerbajġan. F’konferenza stampa lejliet id-dwell tal-Ħamis tkellmu l-kowċ ta’ Balzan Marko Micovic, d-direttur sportiv Vlad Simovic u l-captain Steve Bezzina. Semmew kif…

Aktar