Futsal
Futsal: Malta tegħleb lill-Bulgarija f’partita ta’ ħbiberija

It-tim nazzjonali Malti tal-futsal kiseb rebħa tajba ta’ 3-1 kontra l-Bulgarija fit-tieni logħba ta’ ħbiberija li ntlagħbet bejn dawn iż-żewġ nazzjonijiet. Wara d-dro ta’ 2-2 tal-Ħadd li għadda lbieraħ waslet rebħa ferm tajba mit-tim immexxi mill-kowċ Zeljko Anicic li saħansitra dawwar telfa f’rebħa.
Fil-logħba li ntlagħbet fil-Kumpless tal-Iskola Nazzjonali tal-Isport f’Pembroke, kienu l-Bulgarija li marru fil-vantaġġ permezz ta’ Yulian Spasov sabiex l-ewwel taqsima għalqet 1-0. Fit-tieni taqsima rajna r-reazzjoni tal-Maltin li dawru l-iskor favurihom permezz ta’ gowls minn Firaz Aboulezz, Dylan Musu u Marwan Telissi.
Malta se tkun qed tospita l-UEFA Futsal Tournament fid-29 ta’ Jannar li ġej u fih se jieħdu sehem l-Iżvezja, il-Greċja u l-Polonja bil-logħob isir fil-Kumpless tal-Iskola Nazzjonali tal-Isport f’Pembroke.

Miktub minn...
robert busuttil
Ġurnalist ta' TVM Sport. Isegwi l-Isport lokali u internazzjonali. JIkkummenta l-logħob tal-Kampjonat Premier. Jippreżenta l-programm 'Wara d-90Minuta' fuq Radju Malta 2'