Futsal
Futsal: Valletta jibdew b’rebħa

Matul din il-ġimgħa it-timijiet kollha tal-futsal kienu fl-azzjoni, b’Valletta FC Futsal jkollhom l-ewwel rebħa staġjonali. Il-Beltin wara l-impenji tagħhom fil-UEFA Futsal Champions League, fl-ewwel logħba tagħhom tal-kampjonat ħarġu rebbieħa fuq it-tim ta’ taħt id-dsatax-il sena ta’ Luxol, bl-iskor ta’ 9-1.

F’aktar riżultati li kellna matul din il-ġimgħa, Tarxien Rainbows Futsal għelbu lil Pietà Hotspurs Futsal bi skor minimu ta’ 3-2.

Logħba ferm interessanti kienet dik bejn Birkirkara FC Futsal u Swieqi United, b’dawn tal-aħħar joħorġu rebbieħa bl-iskor ta’ 5-3.

Luxol St Andrews kisbu rebħa oħra konvinċenti ta’ 8-1, din id-darba kontra t-tim tal-istudenti tal-Università ta’ Malta.

Fl-aħħarnett it-tim ta’ taħt il-21 sena ta’ Swieqi United rebħu 5-1 kontra t-tim ta’ UM Futsal Academy.

Il-ġimgħa d-dieħla jkollna dawn il-logħbiet:

It-Tnejn 15 ta’ Ottubru (Fit-8:15 pm, fil-Padiljun Sportiv ta’ Kordin)

Birkirkara FC Futsal vs University of Malta Students Futsal Team

It-Tlieta 16 ta’ Ottubru (Fit-8:15 pm, fil-Padiljun Sportiv ta’ Kordin)

Swieqi United vs Tarxien Rainbows

Il-Ħamis 18 ta’ Ottubru (Fit-8:15 pm, fil-Padiljun Sportiv ta’ Kordin)

Luxol St. Andrews vs Swieqi United U21

Il-Ġimgħa 19 ta’ Ottubru

UM Futsal Academy vs Luxol St. Andrews U19

(Fid-8:45 pm, fl-Iskola Nazzjonali tal-Isport, f’Pembroke)

Valletta FC Futsal vs Pietà Hotspur FC

(Fit-8:15 pm, fil-Padiljun Sportiv ta’ Kordin)

Miktub minn...
TVM Sport
Aħbarijiet Oħra
Futsal

Luxol akkwistaw it-tieni rebħa konsekuttiva kontra Valletta fil-Play Offs Finali tal-Elite hekk kif it-tim minn St. Andrews ħareġ rebbieħ bl-iskor ta’ 5-2. Luxol marru fil-vantaġġ f’nofs l-ewwel taqsima permezz tal-Brażiljan…

Futsal

MFA Futsal League 2018/19 Jumejn wara l-konfront fl-Istejdjum Nazzjonali f’Ta’ Qali bejn Valletta u Birkirkara, l-istess żewġ timijiet kienu avversarji ta’ xulxin fil-kampjonat tal-futsal lokali. B’attendenza numeruża fil-Padiljun Sportiv ta’…

Futsal

Kultant, fid-dinja tal-isport, jiġru kumbinazzjonijiet li jekk terġa’ tippruvahom għall-kumplament ta’ ħajtek ma jerġgħux jiġru. Tfajjel li s’issa għadu mhux magħruf b’ismu, irnexxielu jiskurja penalty fil-futsal u fl-istess xutt, iż-żarbuna…

Aktar