Formula 1
ARA: George Russell jirbaħ l-ewwel GP virtwali tiegħu

Is-sewwieq tal-Williams George Russell irnexxilu jirbaħ l-ewwel Grand Prix virtwali tiegħu, għalkemm fil-verità għadu jistenna li jiġbor l-ewwel punti fis-sewqan reali.

Il-Brittaniku rebaħ it-tellieqa meta telaq mill-pole position u spiċċa quddiem Charles Leclerc u Esteban Gutierrez. Kemm Russell kif ukoll Leclerc weħlu penalità ta’ 3 sekondi talli saqu eċċessivament, aktar mil-limitu taċ-ċirkwit.

F’din it-tellieqa ħadu sehem diversi plejers tal-futbol, fosthom Sergio Aguero ta’ Manchester City, il-goalkeeper ta’ Real Madrid Thibaut Courtois kif ukoll Arthur Melo ta’ Barcelona. Barra dawn ħa sehem ukoll il-golfer Ian Poulter.

It-Tajlandiż tar-Red Bull Alexander Albon spiċċa fir-raba’ post, bil-Brittaniku Lando Norris tal-McLaren kellu jieqaf wara seba’ laps minħabba problemi tekniċi fil-karozza.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA