Futbol lokali
Għada l-finali tal-FA Trophy: Balzan – Valletta
Diretta fuq TVM2 fil-5

Għada jinżel is-siparju fuq l-istaġun lokali tal-football 2018-19 bil-finali tal-FA Trophy bejn Balzan u Valletta.

Suċċess għal Balzan ikun ifisser l-ewwel unur prinċipali fl-istorja tal-club: Valletta min-naħa tagħhom ifittxu t-tieni double konsekuttiv ta’ kampjonat u trophy.

Valletta ma jistax jonqos li jibdew favoriti għat-tieni l-ogħla unur fil-football lokali: apparti li huma ċ-champions u Balzan ġew biss is-sitta fi staġun diżappuntanti: rebħu ż-żewġ konfronti fil-kampjonat kontra Balzan: u f’Diċembru għelbuhom ukoll 2-1 fil-BOV Super Cup. Il-Beltin jafu imma anke kif ammetta l-coach Gilbert Agius li se jsibu quddiemhom team determinat.

Agius qal ukoll li l-club Belti laħaq il-mira prinċipali bir-rebħ tal-kampjonat b’danakollu l-players għandhom ċans uniku jniżżlu isimhom fl-istorja bit-tieni double konsekuttiv.

Għall-coach ta’ Balzan Jacques Scerri, li sieħeb lill-club bi staġun mibdi, opportunita’ min-naha l-oħra jmexxi lit-team għall-ewwel unur ewlieni fl-istorja tal-club: minbarra kwalifikazzjoni Ewropeja awtomatika.

Balzan telgħu darba oħra waħda biss fil-finali tat-Trophy: sentejn ilu meta tilfu ma’ Sliema Wanderers bil-penalties. Valletta huma l-holders u rebħu l-FA Trophy erbatax-il darba b’kollox.

Iż-żewġ timijiet ma jidhirx li għandhom problemi ta’ formazzjoni apparti sospensjonijiet u xi injuries żgħar: biż-żewġ coaches jgħidu li għandhom skwadri kważi kompluti għad-diżpożizzjoni tagħhom.

Ir-referee tal-finali se jkun Mario Apap: bl-assistenti William Debattista u Pawlu Apap, u Eman Grech ir-raba’ uffiċjal.

Balzan għall-ewwel darba mela: jew Valletta għall-ħmistax-il darba.

Balzan – Valletta: għada fil-5 fl-Istadium Nazzjonali: diretta fuq TVM2.

 

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm 90 Minuta.
Aħbarijiet Oħra
Futbol lokali

L-Avukat Angelo Chetcuti huwa d-delegat tal-UEFA tal-ewwel leg tal-kwarti tal-finali tal-partita tal-lejla fi Franza bejn Lyon u Juventus. Chetcuti hu s-Segretarju Ġenerali tal-Malta Football Association u ilu fil-kariga mill-2016 b’deċiżjoni…

Futbol lokali

Ħdax -il player mill-Kampjonat BOV Premier ġew sospiżi logħba mill-kummissarju tad-dixxiplina tal-MFA wara l-logħbiet ta’ tmiem il-ġimgħa. Il-players li ġew sospiżi logħba huma dawn: Nenad Sljivic (Balzan) Matthew Guillaumier (Birkirkara) Enrico…

Futbol lokali

Futbol lokali: Dexter Xuereb huwa r-rebbieħ tal-unur tal-BOV Plejer tax-Xahar għal Jannar 2020. Xuereb beda l-istaġun ma’ Mosta FC u lejn l-aħħar ta’ Jannar ingħaqad ma’ Gżira United. Anthony Scicluna…

Futbol lokali

MALTA MINI-FOOTBALL LEAGUE 2019/20 White Eagles komplew bil-mixja pożittiva tagħhom sa mill-bidu tal-istaġun meta rreġistraw is-seba’ rebħa konsekuttiva tal-Malta Mini-Football League li qed isir fil-grawnd tal-Marsa. Min-naħa l-oħra r-rivali tagħhom…

Aktar