Futbol lokali
Għall-2019 Malta se tibqa’ b’erba’ referees u jiżdied referee tal-futsal fuq il-panel tal-FIFA

Aħbar pożittiva għas-settur lokali tar-referees bil-konferma li għall-2019 Malta se tibqa’ b’erbgħa referees tal-football u se jiżdied referee tal-futsal fuq il-panel tal-FIFA.

L-erba’ referees tal-football huma Alan Mario Sant li bi tmien snin fuq il-panel tal-FIFA issa huwa r-referee Malti Numru 1, Trustin Farrugia Cann, Fyodor Zammit, u Matthew Degabriele, li ġie nnominat għall-ewwel darba.

Żammew posthom kollha, it-tmien assistenti referees internazzjonali: Alan Camilleri, Christopher Francalanza, Luke Portelli, Mitchell Scerri, Edward Spiteri, Jurgen Spiteri, Duncan Sultana, u Roberto Vella.

Fil-futsal, Clint Cassar jirritorna fix-xena internazzjonali, u miegħu se jiddebutta David Balzan. U fil-beach soccer, iżomm postu Jonathan Mallia, waqt li jagħmel id-debutt internazzjonali Pierre Bonnici.

Kevin Azzopardi, direttur tar-refereeing fi ħdan l-MFA, wera sodisfazzjon għall-għarfien mogħti lill-uffiċjali Maltin mill-FIFA u l-UEFA, li qal huwa frott ix-xogħol iebes li sar fil-livell lokali u internazzjonali.

Kevin Azzopardi se jkun qed jagħti r-reazzjoni tiegħu u jwieġeb mistoqsijiet dwar il-qasam tar-referees fil-programm TVMSport fuq TVM2 fid-20:45.

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm 90 Minuta.
Aħbarijiet Oħra
Futbol lokali

KAMPJONAT BOV PREMIER 2018/19 GZIRA UTD……..1 B’KARA FC………1 Għal din il-partita l-Maroons kienu taħt it-tmexxija tal-kowċ Jesmond Zerafa li f’dawn l-aħħar ġranet ħa post Darren Abdilla, filwaqt li Naumovski reġa’…

Futbol lokali

KAMPJONAT BOV PREMIER 2018/19 Pieta …..……….0 Balzan.…………3 Fit-tmintax –il ġurnata tal-kampjonat Premier Balzan kisbu tlett punti mportanti wara li għelbu lil Pieta bl-iscore ta’ 3-0 u hija l-ewwel rebħa taħt…

Futbol lokali

MAFA 2018/19 Żurrieq Sunrise saħħew posthom f’ras il-klassifika tat-tieni diviżjoni tal-MAFA meta f’konfront dirett huma għelbu lil Balzan Youths bl-iskor ta’ 2-1. Kienet ġurnata fejn is-Sunrise ġiehom kollox tajjeb minħabba…

Futbol lokali

KAMPJONAT BOV PREMIER 2018/19 FLORIANA……0 QORMI………..1 Ikompli l-mument negattiv ta’ Floriana, telfa mal-Qriema, b’gowl uniku t’Antonio Rozzi fl-ewwel taqsima. Qormi li qasmu l-logħob ma’ Floriana fl-ewwel taqsima, pero fit-tieni taqsima,…

Aktar