Gymnastics
Ġinnastika: Simone Biles twaqqaf rekord personali ta’ 25 midalja tad-deheb

L-Amerikana Simone Biles saret l-aktar ġinnastika li rebħet midalji tad-deheb f’kampjonat dinji. Dan wara li fi Stuttgart, il-Ġermanja, hija rebħet il-finali tal-beam u l-floor biex tellgħet ir-rekord ta’ 25 midalja. Malli Biles rebħet id-deheb fil-beam, hija qabżet ir-rekord li kien f’idejn Vitaly Scherbo tal-Belarus, li kienet rebħet 23 midalja tad-deheb, sakemm aktar tard irnexxielha tiddefendi l-midalja tad-deheb fil-floor biex għamlithom 25.

Biles kienet fl-aqwa tagħha fi Stuttgart tant li rebħet ħames midalji tad-deheb f’sitt events individwali u b’hekk kellha l-aqwa preparazzjoni għall-Olimpjadi ta’ Tokjo tas-sena d-dieħla. Għal Biles dawn jistgħu jfissru l-ħames Olimpjadi li fihom tirbaħ id-deheb, meta diġa’ għamlet dan fl-erba’ edizzjonijiet preċedenti.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Gymnastics

Gymstars Gymnastics Club ipparteċipaw fit-23 edizzjoni ta’ Tigers Cup li saret fil-belt kapitali tal-Latvja Riga. Flimkien mal-pajjiż organizzattiv, ħadu sehem ukoll Malta, il-Belarus, il-Kazakhstan, l-Użbekistan, ir-Russja, l-Ukrajna, il-Litwanja u l-Irlanda….

Gymnastics

Tliet ġinnasti femminili li jiffurmaw parti mill-Gymstars Gymnastics Club jinsabu l-Latvija sabiex jieħdu sehem f’kompetizzjoni tal-Ġinnastika internazzjonali. Dawn huma Tara Vella Clark, Philippa Busuttil u Elena Bondin. Dawn it-tliet tfajliet…

Sport Lokali

Gymstars Gymnastics Club għadhom kemm ipparteċipaw f’avveniment internazzjonali f’Novi Sad fis-Serbja fejn kisbu riżultati pożittivi. It-turnament, li seħħ fi tmiem il-ġimgħa li għaddiet, ipparteċipaw għalih diversi pajjiżi fosthom il-Bulgarija, is-Serbja,…

Aktar