Futbol lokali
Giovanni Tedesco jirreżenja minn ma’ Ħamrun Spartans

Giovanni Tedesco irreżenja minn kowċ ta’ Ħamrun Spartans. Il-kowċ Taljan daħħal l-ittra ta’ riżenja fil-kwartieri tal-MFA dan minkejja li kien jonqsu sena oħra kuntratt. Kif ħabbar TVM Sport fil-ġranet li għaddew, jidher li Tedesco mistenni li jieħu l-offerta ta’ Gżira United sabiex imexxi lill-Maroons għall-istaġun li jmiss. Ma’ Ħamrun il-kowċ Taljan kiseb ir-raba’ post fejn għad hemm il-possibilta’ li huma jidħlu fl-Ewropa wara nuqqas ta’ kważi tletin sena, jiddependi mir-riżultat tal-finali tal-FA Trophy.

Intant aħbar oħra negattiva għall-Ispartans fejn tpoġġiet projbizzjoni fil-konfront tagħhom wara l-ilmenti li fetaħ Njongo Priso. Il-każ huwa dwar inċident li kien inqala waqt it-taħriġ bejn Priso u l-Sebastian Nayar fejn Priso ġie mmultat € 3,000 u ntemmlu l-kuntratt. Il-klabb ta’ Ħamrun Spartans ser jappella mis-sentenza u ser jirrispetta d-deċizjoni biex ikun jista jkun attiv fis-suq tat-trasferimenti.

Miktub minn...
Simon Farrugia
Ġurnalist ta' TVM Sport. Isegwi l-Isport lokali u internazzjonali. Jippreżenta l-aħbarijiet sportivi , jirraporta u kummentatur tal-logħbiet mill-Kampjonat Premier, UEFA Champions League u UEFA Europa League
Aħbarijiet Oħra
Futbol lokali

Ħdax-il team maqsuma f’żewġ diviżjonijiet se jieħdu sehem fl-istaġun ġdid tal-Masters Football li jingħata bidu f’Settembru. Fi preżentazzjoni lill-media, tħabbar li l-ewwel partiti taż-żewġ kampjonati nfishom se jintlagħbu f’Settembru: iżda…

UEFA Europa League 2019/20 L-Ewwel Round ta’ kwalifikazzjoni Leg 1 BALZAN …..3 DOMZALE ..4 F’partita divertenti minkejja s-sħana fis-Centenary Stadium, Balzan bdew minn taħt u darbtejn kienu minn fuq qabel…

Futbol lokali

Balzan li kkwalifikaw għall-kompetizzjonijiet Ewropej għall-ħames staġun konsekuttiv grazzi għas-suċċess fl-FA Trophy li kien l-ewwel unur ewlieni qatt mirbuħ mill-club: il-Ħamis filgħaxija jiffaċċjaw lil Domzale tas-Slovenja fl-ewwel leg tal-ewwel round…

Aktar