Ċikliżmu
Giro d’Italia: Cesare Benedetti jirbaħ it-12-il stadju, Jan Polanc bil-flokk ir-roża

Fit-12-il stadju, kien it-Taljan Cesare Benedetti li ħareġ rebbieħ u b’hekk ħa l-ewwel rebħa fil-Giro fil-karriera tiegħu. Din kienet l-ewwel tellieqa tal-Giro d’Italia fl-Alpi fuq distanza ta’ 158 kilometru minn Cuneo sa Pinerolo.

Valerio Conti tilef il-flokk ir-roża wara stadju xejn feliċi għalih, għaliex mhux biss tilef l-ewwel post tal-klassifika, imma spiċċa niżel fit-tielet post, bi kważi 4 minuti distakk mill-iSloven Jan Polanc li jinsab fil-quċċata. Fil-fatt Polanc kellu jistenna ftit minuti mhux ħażin sakemm kien ċert li ser jieħu l-flokk ir-roża, b’Roglic iżomm it-tieni post fil-klassifika.

Illum isir it-13-il stadju tal-Giro d’Italia minn Pinerolo sa Ceresole Reale fuq distanza ta’ 196 kilometru.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Ċikliżmu

Iċ-ċiklisti ta’ Lotto-Soudal attendew għall-funeral ta’ seħibhom Bjorg Lambrecht ġimgħa wara l-mewt tiegħu fit-Tour tal-Polonja. Lambecht ta’ 22 sena miet wara inċident fit-tielet stadju tat-tour. Kienu sħabu ċ-ċiklisti stess li…

Aktar