Ċikliżmu
Giro d’Italia: Pascal Ackermann jirbaħ it-tieni stadju

Il-Ġermaniż Pascal Ackermann ma setax kellu debutt aħjar fil-Giro d’Italia meta rebaħ it-tieni stadju ta’ din it-tellieqa. Fuiq distanza ta’ 205 kilometri minn Bologna, Ackermann kien eċċellenti fl-isprint finali u għeleb l-isfida tal-Franċiż Olivier Le Gac li spiċċa żelaq quddiemu, imbagħad qabeż ukoll lit-Taljan Elia Viviani u l-Awstraljan Caleb Ewan.

L-Isloven Primoz Roglic żamm il-jersey ir-roża wara li għallinqas żamm mal-peloton f’ġurnata bix-xita mill-Emilia-Romagna sat-Toscana. Mal-bidu tat-tellieqa kienu tmien ċiklisti li ħarbu fuq quddiem, imma ċ-ċiklisti ta’ warajhom xorta żammew il-pass, u Ackermann kien wieħed minnhom. Skont Ackermann, malli waslu għall-isprint finali xamm li seta’ joħroġ rebbieħ u allura qadef kemm felaħ biex fl-aħħar fl-aħħar irnexxielu jirbaħ stadju fid-debutt tiegħu fil-Giro.

Illum isir it-tielet stadju, minn Vinci s’Orbetello fuq distanza ta’ 220 kilometru.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Ċikliżmu

Fit-12-il stadju, kien it-Taljan Cesare Benedetti li ħareġ rebbieħ u b’hekk ħa l-ewwel rebħa fil-Giro fil-karriera tiegħu. Din kienet l-ewwel tellieqa tal-Giro d’Italia fl-Alpi fuq distanza ta’ 158 kilometru minn…

Ċikliżmu

Fil-11-il stadju tal-Giro d’Italia, l-Awstraljan Caleb Ewan kellu sprint mill-aqwa biex ħareġ rebbieħ quddiem il-Franċiż Arnaud Demare. L-Awstraljan t’24 sena rebaħ it-tieni stadju personali f’dan il-Giro, wara li kien rebaħ…

Ċikliżmu

Il-Franċiż Arnaud Demare rebaħ l-għaxar stadju tal-Giro d’Italia, l-ewwel rebħa f’din it-tellieqa fil-karriera tiegħu. Id-distanza kienet ta’ 145 kilometru minn Ravenna. It-Taljan Elia Viviani daħal fit-tieni post filwaqt li l-Awstraljan…

Ċikliżmu

Ċikliżmu fil-Giro D’Italia illum saret id-disa’ tappa li kienet individual time trial. L-aħjar ħin irreġistraħ Primoz Roglic li b’hekk rebaħ it-tieni tappa personali tal-Giro ta’ din is-sena li saret fuq…

Aktar