Futbol lokali
Gozo Football League: Il-Hotspurs jibqgħu jirbħu fl-ewwel diviżjoni

Victoria Hotspurs kisbu l-għaxar rebħa minn ħdax-il partita fil-kampjonat b’rebħa kontra SK Victoria Wanderers biex baqgħu fl-ewwel post fil-klassifika. Il-Hotspurs sfortunati fil-wieħed u għoxrin minuta meta xutt ta’ Elton Da Silva spiċċa ma’ sieq il-lasta. Minn azzjoni ta’ korner huma fetħu l-iskor meta l-ballun wasal barra l-kaxxa għand Henrique Maciel li għeleb lil gowlkeeper b’xutt mill-ewwel 1-0.

Il-Hotspurs irduppjaw b’gowl ta’ Ferdinando Apap li ħasad lid-difiża b’xutt fil-baxx għal 2-0.

Fit-tlieta u erbgħin minuta żiedu gowl ieħor permezz ta’ konklużjoni ta’ Chris Camilleri wara kross ta’ Emiliano Lattes 3-0

Fit-tieni taqsima l-Hotspurs naqsu ħafna mill-pressjoni fuq l-avversarji u l-Wanderers aprofittaw biex naqsu d-distakk b’gowl ta’ Ian Xuereb li kien daħal bħala sostitut fit-tnejn u sebgħin minuta 3-1

Victoria Hotspurs ssiġillaw r-rebħa b’gowl ta’ Dwomoh Lombas Galder fid-disgħa u tmenin minuta għal skor finali 4-1. Referee: Mario Apap

 

Nadur Youngsters żammew il-pass mal-leaders Victoria Hotpsurs u baqgħu jittamaw li jistgħu jisfidaw għar-rebħ tal-kampjonat b’rebħa ta’ 2-1 kontra Oratory Youths. Nadur fetħu l-iskor b’gowl ta’ Darko Krstic fl-erbgħa u tletin minuta minn azjoni ta’ korner, iżda Oratory kisbu d-draw tlett minuti wara permezz ta’ Joshua Buttigieg li aprofitta minn indeċiżjoni tal-gowlkeeper. Nadur skurjaw il-gowl li ddeċieda l-partita fil-ħamsin minuta permezz ta’ xutt fil-baxx mill-viċin ta’ Josef Buttigieg. Nadur setgħu kabbru l-vantaġġ fit-tlieta u sebgħin minuta iżda xutt ta’ Stanimir Miloskovic spiċċa mal-lasta. Referee: Joseph Scerri

Klassifika GFA BOV Gozo Football League 1st Division

Victoria Hotspurs 11  31
Nadur Youngsters 11  27
Xewkija Tigers 11    21
Kerċem Ajax 11   16
Għarb Rangers 11   11
Għajnsielem FC 11   10
Oratory Youths 11   6
SK Victoria Wanderers 11  4

Miktub minn...
Sandro Micallef
Ġurnalist ta' TVM Sport. Isegwi l-Isport lokali u internazzjonali. Jippreżenta l-programm Sports Panorama. President Għaqda Ġurnalisti Sports Malta.
Aħbarijiet Oħra
Futbol lokali

Dalgħodu saret il-laqgħa ġenerali annwali tal-Club ta’ Mosta FC fejn dawn ħabbru uffiċjalment quddiem il-membri tagħhom li l-kumitat laħaq ftehim mal-kowċ taljan Enrico Piccioni li se jkun qed jagħmel ir-ritorn…

Futbol internazzjonali, Futbol lokali

Fi sforz sabiex isaħħu l-iskwadra għall-staġun ieħor Ħamrun Spartans permezz tal-President tagħhom il-Naplitan Nunzio Antignani u l-Aġent Gaetano Giovanni Farruggio qed jesploraw il-possibilita’ li jiffirmaw ftehim ta’ kollaborazzjoni mal-klabb Spanjol…

Futbol lokali

L-Eks player internazzjonali taljan Cristian Zaccardo mhux se jibqa’ ma’ Ħamrun Spartans. Dan ħabbru l-istess player fuq il-mezzi soċjali iktar kmieni llum. Hu qal li l-avventura tiegħu f’Malta tintemm hawn…

Futbol lokali

  Gowl xi ftit fortunat ta’ Dimitri Boyadhziev kien biżżejjed sabiex Marsa St Michael jirbħu l-MAFA KO meta fil-finali għelbu lill-holders Senglea Gunners bl-iskor ta’ 1-0. Kienet partita ddominata mir-riħ…

Aktar