Sports Internazzjonali
Grand Prix b’differenza fl-Ingilterra

Filwaqt li l-Ħadd s-sewwieqa tal-Formula 1 kienu qegħdin jikkompetu bejniethom fuq iċ-ċirkwit ta’ Silverstone, f’villaġġ ieħor fl-Ingilterra, numru ta’ sewwieqa oħra kienu qegħdin jikkompetu f’tournament xi ftit differenti, il-Grand Prix tal-Karozzi bil-Pedali. Din il-Grand Prix issir darba kull sentejn u allura t-timijiet ikollhom ċans biżżejjed sabiex jibnu l-karozzi tagħhom.

B’kollox ħadu sehem tlieta u tletin tim, b’erba’ sewwieqa f’kull tim, f’tellieqa ta’ sagħtejn fil-villaġġ storiku ta’ Ringwood. Jidher li aktar minn elfejn ruħ huma stmati li ħonqu t-toroq madwar iċ-ċirkwit ta’ 1.4 kilometri. It-tellieqa ta’ din is-sena kienet xi ftit aktar iebsa, f’temperaturi mhux tas-soltu, ta’ 30 grad celsius.

Il-karozza bil-pedali jkolli b’kollox erba’ roti, li tinstaq mill-persuna billi jdawwar saqajh daqslikieku qiegħed isuq rota. Ħafna mill-karozzi kienu mibnija mit-timijiet stess, minnhom magħmula minn vetturi agrikoli. It-toqol tal-karozza u l-istamina tas-sewwieqa huma żewġ fatturi importanti f’din it-tellieqa, b’mod speċjali meta s-sewwieqa jibdlu lil xulxin, fejn jintilef ħin prezzjuż.

Din is-sena t-tellieqa ntrebħet mill-Apollo Racing No. 2, bil-karozza tkun misjuqa minn Ben Taylor ta’ 17-il sena, u l-parrinu tiegħu Jes Featherstone ta’ 43 sena. Dawn iż-żewġ sewwieqa marru fuq quddiem minn kmieni fit-tellieqa u baqgħu l-ewwel matul il-71 lap li kellhom. It-tim Dredfull Racing spiċċa fit-tieni post.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Formula 1

Lewis Hamilton kellu rebħa kbira fil-Grand Prix ta’ Hockenheim fil-Ġermanja fejn taħt xita kontinwa rnexxielhu jtemm fl-ewwel f’dan iċ-ċirkwit hekk kif Sebastian Vettel fuq Ferrari waqaf wara inċident bil-karozza. B’din…

Formula 1

Sebastian Vettel fuq il-karozza Ferrari għamel l-aħjar ħin fil-provi uffiċjali tal-lum u se jkun qed jitlaq mill-Pole Position tal-Grand Prix ta’ għada f’Hockenheim fil-Ġermanja. Vettel iddomina dawn il-provi uffiċjali bil-kontra…

Formula 1

Wara li lbieraħ kien ikkonfermat li Lewis Hamilton iffirma kuntratt ġdid mal-Mercedes sal-2020, illum ħarġet l-aħbar li s-sewwieq l-ieħor Valtteri Bottas iffirma kuntratt ta’ sena oħra mal-Mercedes. Mercedes, bħalissa jinsabu…

Formula 1

Lewis Hamilton, is-sewwieq tal-Formula 1 ta’ Mercedes, iffirma kuntratt ġdid ta’ sentejn sal-2020 li bih se jkun qed idaħħal mad-€90,000,000 netti. Hamilton rebaħ 4 darbiet il-kampjonat mondjali tal-Formula 1, tlieta…

Aktar