Futbol lokali
Gudja jkomplu jissorprendu, jiġu draw ma’ Ħamrun

KAMPJONAT BOV PREMIER 2019/2020

Ħamrun Spartans………..2

Gudja United ………………2

Gudja United kisbu t-tieni punt staġjonali meta ġew dro ta’ 2-2 kontra Ħamrun Spartans. 

Ħamrun Spartans fetħu tajjeb u wara ħames minuti kien Jorge Ailton Soares li spara xutt li ġie newtralizzat bi bravura kbira minn Jonathan Debono.

Fis-16-il minuta reġa’ kienu Ħamrun din id-darba permezz ta’ Soufiane Lagzir li xxuttja mir-rokna u reġa’ kien Debono li salva tajjeb. 

Fil-31 minuta kien l-istess Lagzir li bir-ras ra l-ballun sejjer għoli. 

Żewġ minuti qabel tmiem l-ewwel taqsima, Ħamrun fetħu l-iskor. Kienet azzjoni verament tajba bil-ballun jasal għand Marco Criaco li b’xutt bomba għeleb lil Jonathan Debono.

Bl-ewwel taqsima tagħlaq b’Ħamrun 1-0 minn fuq. 

Gudja ħarġu ferm motivati u ġabu l-iskor indaqs fit-48 minuta. Kienet azzjoni ta’ korner bil-ballun jasal għand Juan Andres Bolanos li bir-ras għeleb lil Bartolo. 

Fit-63 minuta, frikik għal Gudja mogħti minn Carlos Santana sab l-oppożizzjoni ta’ Manuel Bartolo li nxteħet fuq in-naħa leminija tiegħu sabiex laqa’ tajjeb il-ballun.

Gudja komplew ikunu ferm tajbin fit-tieni taqsima u kien proprju Manuel Bartolo li reġa’ salva b’mod impekkabbli xutt ta’ Godwin Mensah. 

Fid-79 minuta kienu Ħamrun li ttantaw xortihom meta wara azzjoni ta’ korner, kien Wilfried Domoraud li ra l-gowlkiper Debono jilqa’ tajjeb. 

Iżda reġgħu kienu Gudja li skorja eżattament fil-81 minuta. Kien Russell Winchester li daħal fil-kaxxa u b’xutt meqjus għeleb għat-tieni darba lil Bartolo. 

Fis-86 minuta, Gudja kienu żvinturati li ma skorjawx it-tielet gowl meta xutt ta’ Winchester ħabat mal-mimduda. 

Kien hawn li l-kowċ ta’ Ħamrun Manuele Blasi daħħal lil Ryan Darmanin flok Mattia Cinquini sabiex isaħħaħ l-attakk. U kien proprju hawn li l-kowċ Taljan laqat il-musmar fuq rasu meta kien l-istess Darmanin li bir-ras għeleb  lil Debono.

Skor Finali: Ħamrun 2 Gudja 2.

BOV Plejer tal-Logħba kien Carlos Santana ta’ Gudja United.

Referi kien Malcolm Spiteri.

 

Miktub minn...
TVM Sport
.
Aħbarijiet Oħra
Futbol lokali

It-tieni partita tal-ġurnata mill-Kampjonat BOV tal-Ewwel Diviżjoni tal-lum ġiet posposta minħabba qtugħ ta’ dawl f’waħda mill-floodlights tal-Victor Tedesco Stadium fil-Ħamrun. L-inċident seħħ fis-47 minuta hekk kif kienet għadha kif bdiet…

Futbol lokali

KAMPJONAT BOV PREMIER 2019/20 Birkirkara….1 Senglea…….1 Birkirkara u Senglea ħadu punt kull wieħed f’partita li spiċċat fi draw ta 1-1. Żewġ gowls li ġew skurjati fl-ewwel taqsima. B’Kara kienu ġejjin…

Futbol lokali

KAMPJONAT BOV PREMIER 2019/20 BALZAN FC………..1. FLORIANA FC……..3. Wara biss 8 minuti logħob Balzan marru fil vantagg, il-kross mil-lemin ta’ Uros Ljubomiric għola tajjeb Andrija Majdevac u daqqa ta’ ras…

Futbol lokali

KAMPJONAT BOV PREMIER 2019/20 Gudja Utd….1 Hamrun Sp..1 Draw ta’ 1-1 fis-Centenary Stadium bejn Gudja Utd u Ħamrun Spartans jara lill-Ħamruniżi jibqgħu bla rebħa minn tmien logħbiet, b’Gudja jieħdu l-ewwel…

Aktar