Futbol lokali
Gżira United FC u Floriana FC jiktbu l-Istorja…idaħħlu protest fl-MFA dwar il-partita kontra xulxin

Gżira United FC u Floriana FC, ilbieraħ daħlu fl-uffiċini tal-MFA protest kontra xulxin dwar il-partita ta’ tmiem il-ġimgħa li għaddiet u li ntemmet fi draw ta’ 2-2 biex iż-żewġ naħat ħadu punt kull wieħed.

Il-każ idur madwar żewġ plejers; Marcelo Dias ta’ Floriana u Dexter Xuereb ta’ Gżira United u ż-żewġ timijiet qed jgħidu li t-tnejn kienux eliġibbli li jilagħbu l-partita ta’ kontra xulxin.

Gżira Utd qed jipprotestaw mill-fatt li Dias ġie rreġistrat fil-31 ta’ Jannar, ġurnata qabel il-partita kontra Valletta u allura ma kienx eliġibbli li jilgħab. Għaldaqstant, il-plejer kellu jiskonta l-partita kontra Gżira United peress li kienu għadhom m’għaddewx it-48 siegħa mir-reġistrazzjoni. Sorsi mill-klabb Furjaniż qegħdin jgħidu li l-plejer kien irreġistrat fit-30 ta’ Jannar u kkonfermat fil-31 ta’ Jannar.

Floriana qed jipprotestaw mill-fatt li Xuereb baqa’ ma skontax il-partita minn meta rreġistra ma’ Gżira United. Il-partita kellha tkun dik kontra Sliema Wanderers li l-Maroons tilfu bl-iskor ta’ 1-0. Xuereb lagħab f’din il-partita iżda ovvjament, Sliema Wanderers ma kienux se jipprotestaw dwar plejer involut f’partita kontriehom li huma rebħu. B’hekk, Floriana qed jilmentaw li l-plejer baqa’ ma skontax il-partita.

TVM Sport tkellem ma’ persuna li taħdem mal-Malta Football Association, ilha fil-futbol snin twal u esperta tar-regolamenti.

Din il-persuna qaltilna li qatt kemm ilu fil-futbol Malti u fl-MFA ma jiftakar żewġ klabbs idaħħlu protest kontra xulxin dwar l-istess partita.

“Qatt f’dawn l-aħħar snin ma niftakar xi ħaġa bħal din. Kemm ilhi hawn jien żgur li le u ma niftakarx li qatt ġrat qabel anqas. Biex tiġri xi ħaġa bħal din, il-partita bilfors trid tispiċċa fi draw. Jekk iż-żewġ plejers jinstabu ħatja li mhux suppost lagħbu, awtomatikament jaħlu żewġ partiti. Jista’ wkoll ikollna sitwazzjoni fejn iż-żewġ timijiet jitilfu l-punt li akkwistaw u jibqgħu b’xejn it-tnejn,” qaltilna din il-persuna.

Is-sitwazzjoni tista’ tiswa qares liż-żewġ timijiet u dan jekk jinstab li ż-żewġ naħat għandhom raġun.

Ir-regolamenti tal-MFA jgħidu li jekk plejer lagħab u ma kienx eliġibbli jiġi sospiż awtomatikament żewġ partiti.

Agħar minn hekk, jekk iż-żewġ timijiet jingħataw raġun, jista’ jkollna sitwazzjoni farseska fejn it-tnejn li huma jittieħdilhom il-punt li akkwistaw fi draw ta’ 2-2.

Dan il-każ mistenni jiġi deċiż l-ewwel darba li jitlaqqa’ l-Bord tal-Protesti tal-Malta Football Association.

Miktub minn...
TVM Sport
Aħbarijiet Oħra
Futbol lokali

Il-Ġimgħa ttelgħu l-poloz tal-fażi tal-aħħar sittax tal-UEFA Europa League. Il-Poloz irriżultaw hekk: İstanbul Başakşehir (TUR) – Copenhagen (DEN) Olympiacos (GRE) – Wolves (ENG) Rangers (SCO) – Leverkusen (GER) Wolfsburg (GER)…

Futbol lokali

Fi tmiem il-ġimgħa jintlagħbu l-erba’ kwarti tal-finali tal-kompetizzjoni tal-FA Trophy ta’ dan l-istaġun 2019/20. F’Konferenza stampa organizzata mill-MFA tkellmu l-kowċis u l-uffiċjali tat-tmien teams li se jkunu nvoluti fl-erba’ logħbiet…

Futbol lokali

L-Avukat Angelo Chetcuti huwa d-delegat tal-UEFA tal-ewwel leg tal-kwarti tal-finali tal-partita tal-lejla fi Franza bejn Lyon u Juventus. Chetcuti hu s-Segretarju Ġenerali tal-Malta Football Association u ilu fil-kariga mill-2016 b’deċiżjoni…

Futbol lokali

Ħdax -il player mill-Kampjonat BOV Premier ġew sospiżi logħba mill-kummissarju tad-dixxiplina tal-MFA wara l-logħbiet ta’ tmiem il-ġimgħa. Il-players li ġew sospiżi logħba huma dawn: Nenad Sljivic (Balzan) Matthew Guillaumier (Birkirkara) Enrico…

Aktar