Futbol lokali
Gżira United jippreżentaw l-iskwadra

FUTBOL LOKALI

Gżira United ippreżentaw l-iskwadra tagħhom għall-istaġun li ġej waqt konferenza stampa li saret ilbieraħ filgħaxija f’post tad-divertiment f’Tas-Sliema.

Il-Maroons, li spiċċaw fit-tielet post tal-klassifika kemm fl-istaġun li għadda kif ukoll f’dak ta’ qabel,  ħatru lil Giovanni Tedesco bħala l-kowċ tagħhom filwaqt li l-iskwadra ssaħħet b’numru ta’ akkwisti fosthom l-Arthur Henrique Oyama Ricciardi, Hamed Kone  u  Jefferson Mateus de Assis Estacio. Dawn it-tliet plejers diġa’ taw il-kontribut tagħhom fl-impenji li l-klabb kellu fil-UEFA Europa League fil-kwalifikazzjoni storika kontra Hajduk Split u fil-logħob tat-tieni rawnd kontra FK Ventspils.

Il-klabb baqa’ attiv fis-suq tat-trasferimenti tas-sajf meta kiseb ukoll il-firma tal-gowlkiper żagħżugħ Ġappuniż Ryoto Yokokawa, l-eks-plejer ta’ St Andrews Martin Davis u l-plejer żagħżugħ ta’ 19-il sena Romario Camilleri.

Sadanittant Gżira United żammew diversi plejers stabbiliti fosthom  Justin Haber, Fernando Barbosa, Rodolfo Soares, Gianmarco Conti, Andrew Cohen u Amadou Samb filwaqt li jistgħu jafdaw ukoll fi plejers ta’ talent bħal Juan Corbalan, Nikolai Muscat u Zach Scerri.

Fl-aħħarnett dawk preżenti kellhom iċ-ċans jaraw filmat verament interessanti dwar is-suċċessi storiċi li seħħew taħt il-presidenza ta’ Sharlon Pace li għen lill-klabb jikseb postu fil-kampjonat Premier filwaqt li  witta t-triq għall-kwalifikazzjoni għat-tazzi Ewropej wara nuqqas ta’ 45 sena.

 

Miktub minn...
robert busuttil
Ġurnalist ta' TVM Sport. Isegwi l-Isport lokali u internazzjonali. JIkkumenta l-logħob tal-kampjonat Premier. Jippreżenta programm sportiv fuq radju tal-komunita'.
Aħbarijiet Oħra
Futbol lokali

Waqt laqgħa permezz ta’ video-conference li saret illum bejn il-UEFA u l-55 assoċjazzjoni membru, fosthom Malta, l-Assoċjazzjoni Ewropeja tal-futbol ħabbret xenarji ġodda dwar id-deċiżjoni jekk u meta l-kampjonati domestiċi fl-Ewropa…

Futbol lokali

Il-COVID-19 qed jaffettwa anke s-settur tal-ekonomija sportiva f’pajjiżna. Huma ftit forsi dawk li jimmaġinaw li fost l-eluf ta’ impjiegi f’riskju li jintilfu f’pajjiżna hemm ukoll diversi impjiegi fil-futbol lokali. Sandro…

Futbol lokali

L-MFA issospendiet il-football kollu f’Malta u Għawdex b’mod indefinit. Id-deċiżjoni ttieħdet mill-bureau tal-assoċjazzjoni li ddiskuta s-sitwazzjoni attwali tal-coronavirus f’telekonferenza bejn il-membri tiegħu llum. Id-deċiżjoni tgħodd anke għall-futsal. L-attivitajiet kollha tal-football…

Futbol lokali

L-14-il klabb tal-Kampjonat BOV Premier għandhom opinjonijiet differenti dwar x’għandu jsir mill-Kampjonat BOV Premier f’dan l-istaġun jekk kemm-il darba ma jitkomplix iżda sitt klabbs qablu fil-prinċipju li dan il-kampjonat għandu…

Aktar