Futbol lokali
Gżira Utd jirritornaw għar-rebħ kontra Ħamrun Spartans

Gżira Utd dawru telfa f’rebħa meta fl-Istadium Nazzjonali għelbu lil Ħamrun Spartans 2-1.

Ħamrun ħolqu l-ewwel periklu tal-logħba fit-22 minuta meta Guillherme Felipe De Castro ixxuttja ferm tajjeb iżda kienu r-riflessi tajbin tal-gowlkiper Anthony Curmi illi ċaħħduh mis-sodisfazzjon tal-gowl.

Ħames minuti wara kien Criaco għall-Ispartans illi avvanza tajjeb u b’xutt b’saħħtu minn barra l-kaxxa ra l-ballun sejjer ftit barra.
It-tim bil-flokkijiet ħomor u suwed komplew ikunu l-aħjar tim fil-grawnd u fl-34 minuta xutt tajjeb ta’ Criaco reġa’ sab lil Curmi attent illi b’mod spettakolari laqa’ għal korner.

Bl-ewwel taqsima tispiċċa fi draw ta’ 0-0.

Bdiet it-tieni taqsima u Gżira ħolqu l-ewwel ċans tagħhom fit-48 minuta b’xutt ta’ Andrew Cohen illi Jake Galea laqa’ mingħajr diffikulta’.

Fis-57 minuta, Ħamrun fetħu l-iskor meta Lydon Micallef avvanza tajjeb u hekk kif wasal fit-tarf tal-kaxxa l-kbira xxuttja ferm tajjeb bil-ballun jispiċċa fir-rokna tax-xibka għall-gowl tal-istampi.

Fit-62 minuta, Okoye seta’ għamel aħjar għal Gżira meta xxuttja ġo Jake Galea filwaqt illi fuq in-naħa l-oħra xutt ta’ Criaco ġiegħel lil Curmi jilqa’ f’żewġ ċirkostanzi.

Fis-67 minuta, Gżira ngħataw penalty meta Ndubisi Okoye ġie mwaqqa’ fil-kaxxa Ħamruniża minn Triston Caruana. Mill-11-il metru kien Amadou Samb illi xeħet il-ballun naħa u lil Jake Galea in-naħa l-oħra sabiex ġab l-iskor indaqs għall-Maroons. Il-coach ta’ Ħamrun Jacques Scerri tkeċċa għal protesti mar-referee.

Fis-76 minuta kien Curmi illi laqa’ tajjeb xutt ta’ Lydon Micallef.

Sabiex kontra kull mistenni Gżira sabu l-gowl illi tahom it-tliet punti meta l-eks tal-partita Haruna Garba li kien għadu kif daħal bħala sostitut, antiċipa lil kulħadd wara kross mix-xellug u bir-ras għeleb għat-tieni darba lil Jake Galea.

Fis-87 minuta, Garba għal daqsxejn ma għamilx gowl ieħor meta wara li avvanza, daħal fil-kaxxa iżda x-xutt tiegħu għadda ftit barra.

Sabiex Gżira kisbu rebħa li tħallihom jibqgħu jittamaw għall-post fil-kompetizzjonijiet Ewropej għall-istaġun illi ġej.

Riżultat finali: Hamrun 1 Gżira 2

BOV Plejer tal-logħba kien Marco Criaco ta’ Ħamrun.

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm 90 Minuta.
Aħbarijiet Oħra
Futbol lokali

Il-plejers u membri tal-istaff tekniku tat-tim nazzjonali Malti tal-futbol, dalgħodu għamlu ġest ta’ kuraġġ għal Jurgen Degabriele, l-attakkant ta’ Hibernians FC li weġġa’ fil-partita tas-Sibt li għadda mill-Kampjonat BOV Premier…

Futbol lokali

Għaxar plejers tal-Kampjonat BOV Premier ġew sospiżi partita mill-Kummissarju tad-Dixxipplina tal-Malta Football Association. Mosta FC għandhom sospiżi żewġ plejers; lil Juri Cisotti u lil Gianluca Cuomo. Plejers oħra li ġew…

Futbol lokali

Ħamsa u għoxrin sena wara r-rebħa storika ta’ Malta kontra l-Belġju fl-istadium nazzjonali f’Ta’Qali bl-iskor ta’ 1-0, Carmel Busuttil tkellem pubblikament għall-ewwel darba u ammetta li Raymond Vella, ‘il-Mundu’, kien…

Futbol lokali

L-ex President ta’ Floriana FC, uża l-paġna personali tiegħu ta’ facebook biex dalgħodu kiteb messaġġ lill-partitarji kollha tal-klabb. F’dan il-messaġġ, Said qal li fl-aħħar xhur, ġimgħat u jiem, diversi partitarji…

Aktar