Ibburdjar
Ibburdjar: Elusive 2 tħalli isimha fuq it-trofew tas-Citadel Marzamemi Regatta

Flotta mdaqqsa telqet lejn Marzamemi mir-Royal Malta Yacht Club fis-Citadel Marzamemi Regatta li saret reċentement. It-tellieqa hi waħda mill-favoriti fil-kalendarju tat-tlielaq tal-klabb minħabba li hi l-ewwel tellieqa offshore tal-istaġun kif ukoll għall-fatt li Marzamemi hija popolari ħafna mal-ekwipaġġi tal-klabb.

It-tellieqa sa Marzamemi l-Ġimgħa filgħodu, rat l-ekwipaġġi jibdew b’mod kwiet meta riħ mill-grigal kien biżżejjied biex jibdew it-tellieqa. Il-flotta kella wkoll taffaċċja mbatt kemm xejn konsiderevoli u hekk kif bdiet toqrob lejn Sqallija, ir-riħ waqaf kompletament u dan irriżulta fl-irtirar tal-flotta kollha.  Għalkemm dan l-eżitu kien diżappuntanti, l-ekwipaġġi xorta qattgħu ħin pjaċevoli f’Marzamemi fejn irrilassaw u gawdew l-avvenimenti soċjali li l-Klabb organizza għalihom.  L-ekwipaġġi ħadu l-opportunità sabiex jiżguraw li d-dgħajjes tagħhom kienu ppreparati għat-tellieqa lura lejn Malta l-Ħadd filgħodu.

It-temp, il-Ħadd filgħodu reġa’ ma kienx favorevoli u bi ftit riħ ħdejn Portopalo rat il-flotta iddur fiż-żona sakemm ir-riħ mil-Punent Majjistral laqat iż-żona. Minn hemm ‘il quddiem ir-riħ kien konsistenti u għen lill-flotta b’rotta mgħaġġla lura lejn Malta, bi ftit spażju bejn id-dgħajjes. Il-First 45 Elusive 2,  misjuq mill-aħwa Podesta kienu l-ewwel li waslu Malta, kif ukoll rreġistraw l-ewwel post fuq ħin korrett.  Dan ir-riżultat rathom jiktbu isimhom fuq it-trofew tat-Tellieqa Citadel Marzamemi.

It-tieni li daħal kien Sean Borg bl-XP44 Xpresso segwit mis-Solaris One 42, Unica ta’ Jamie Sammut.  Madankollu, il-klassifikazzjonijiet tad-dgħajjes daħlu fis-seħħ hawn u rriżultaw b’Unica tieħu t-tieni post segwit minn Inspiration ta’ Godwin Zammit fit-tielet post fil-klassifika ġenerali.

L-Għoti tal-Premju saru fil-Royal Malta Yacht Club fil-preżenza tas-Sinjura Nathalie Borg Farrugia, rappreżentanta tas-Citadel Insurance plc, sponsors tat-tellieqa,  li ppreżentat premjijiet u trofej lir-rebbieħa.

“Is-Citadel Marzamemi Regatta dejjem tibqa il-favorita tal-Klabb. Din it-tellieqa ġġib flimkien l-ekwipaġġi għall-ewwel tellieqa offshore tagħhom kif ukoll l-opportunità li jingħaqdu u jissoċjalizzaw f’Marzamemi, li għal bosta snin laqat l-ekwipaġġi Maltin fil-piazza żgħira tagħha. Minkejja li l-kundizzjonijiet tat-temp ma kienux favorevoli, it-tellieqa lura lejn Malta pprovdiet azzjoni tajba bejn il-jottijiet ”spjega Godwin Zammit. “Nieħu l-opportunita li nirringrazja lil Citadel Insurance plc tal-appoġġ kontinwu li jgħatu lejn il-Klabb u lejn din it-tellieqa”

Il-Club huwa grati tal-assistenza volontarja tar- Rear Commodore Sailing u Direttur tat-Tellieqa Peter Dimech, kif ukoll il-voluntiera Wolfgang Scheifinger, Alfred Caruana, Richard Dennis, Luca Lacitignola u Viktoria Lactignola għal-għajnuna tagħhom.

Riżultati – Citadel Marzamemi Regatta

Rizultati Globali

L-ewwel post – Elusive 2 (Aaron, Christoph & Maya Podesta)

It-tieni post –Unica (Jamie Sammut)

It-tielet post – Godwin Zammit (Inspiration)

IRC Racer 1

L-ewwel post – Elusive 2 (Aaron, Christoph & Maya Podesta)

It-tieni post –Unica (Jamie Sammut)

It-tielet post – Xpresso (Sean Borg)

IRC Racer 2

L-ewwel post – Nauti Buoy (Robert Ciantar)

IRC Cruiser Class

L-ewwel post – Inspiration (Godwin Zammit)

RMYC Club Cruiser Class

L-ewwel post – Ace (Peter Ellul Vincenti)

Miktub minn...
TVM Sport
Aħbarijiet Oħra
Ibburdjar

Ekwipaġġi mir-Royal Malta Yacht Club Sailing School ingħaqdu ma ‘l fuq minn 200 tim, li jirrappreżentaw 23 pajjiż, fil-Kampjonati Dinjija tal-Klassi RS Feva li saru f’Follonica, l-Italja. Il-kontinġent tal-Klabb, immexxi…

Ibburdjar

L-eqdem tellieqa fil-kalendarju tat-tlielaq tar-Royal Malta Yacht Club, it-tellieqa Malta-Sirakuża, iċċelebrat id-59 edizzjoni f’Lulju. It-tellieqa, organizzata mir-Royal Malta Yacht Club u l-Lega Navale Italiana (Sezione di Siracusa) hija popolari ħafna,…

Ibburdjar

Ibburdjar: Il-baħħar żagħżugh Richard Schultheis kiseb suċċess personali u għal Malta fil-Kampjonat tad-Dinja Optimist meta spiċċa fit-tieni post fil-klassifika overall. Dawn il-kampjonati tad-Dinja li saru fil-gżira ta’ Antigwa intrebħu mit-taljan…

Ibburdjar

Ir-Rolex Middle Sea Race kompliet turi il-popolarita tagħha meta 58 jott minn 17-il pajjiż s’issa rreġistraw għall-edizzjoni tal-2019. Huwa mifhum ukoll, li għalkemm għadhom ma rreġistrawx, numru ta’ jottijiet ser…

Aktar