Ibburdjar
Ibburdjar: Ikkonfermata r-rebħa tal-jott Wild Oats XI fit-tellieqa Syndey – Hobart

It-tim tal-jott Wild Oats XI infexxew f’ċelebrazzjonijiet kbar wara li Ġurija Internazzjonali fir-Royal Yacht Club ta’ Tasmania ddeċidew li l-protest imressaq mill-Kumitat tat-Tellieqa ma kienx validu. Il-protest tressaq ilbieraħ wara li l-ekwipaġġ tal-jott Black Jack beda jipprotesta li l-Automated Identification System (AIS) tal-Wild Oats XI kien mitfi matul it-tellieqa. Il-ġurija ffurmata minn ħames persuni ddeċidiet li l-protest ma kienx validu fuq żewġ fatturi:

  1. L-investigazzjoni tal-Kumitat tat-Tellieqa bdiet minn x’ħin is-sid tal-jott Black Jack ipprotesta dwar l-AIS. Għalkemm is-sid tal-jott ma kienx parti mill-ekwipaġġ huwa xorta kellu kunflitt t’interess kif huwa stipulat fir-Racing Rules of Sailing (RRS).
  2. Għalkemm l-investigazzjoni tal-Kumitat tat-Tellieqa kienet waħda prudenti, fiċ-ċirkostanzi, biex il-protest seta’ jkun validu taħt ir-regoli tat-tlielaq tal-ibburdjar, kellu jkun kompetitur b’informazzjoni speċifika dwar ksur ta’ regolamenti li ried iressaq il-protest.

Għaldaqstant, fiċ-ċirkostanzi preżenti, il-protest ma kienx validu u l-Wild Oats XI kien ikkonfermat bħala r-rebbieħ tas-74 edizzjoni tat-tellieqa Sydney to Hobart.

Is-sid tal-jott Black Jack, Peter Harburg, kien qiegħed jittama li l-protest imressaq ikollu l-istess eżitu kif seħħ is-sena li għaddiet, meta għalkemm il-jott Wild Oats XI rebaħ it-tellieqa f’ħin rekord, huma ngħataw penali ta’ siegħa wara li l-jott Comanche kien ressaq protest li wara kwarta mill-bidu tat-tellieqa, il-Wild Oats XI kien ser jaħbat miegħu u dan ipperikola l-ħajja tal-ekwipaġġ kif ukoll tellfu ħin importantissimu. Minħabba l-penali kien il-jott Comanche li ħareġ rebbieħ.

Fit-tellieqa ta’ din is-sena, l-iskipper tal-Comanche Jim Cooney, li spiċċaw fit-tielet post, qal li ma kienx ser jipprotesta minħabba li l-jotts kollha għandhom is-sistema tat-tracking tagħhom u matul it-tellieqa seta’ jara l-jott Wild Oats XI il-ħin kollu.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Ibburdjar

Id-dgħajsa ġdida ta’ Artie Sailing Team għada kif ġiet varata fil-Marina di Valletta bil-lest għar-Rolex Middle Sea Race 2019. It-tim Malti għandu ambizzjonijiet għolja għal din l-edizzjoni u qed jimmira…

Ibburdjar

Ekwipaġġi mir-Royal Malta Yacht Club Sailing School ingħaqdu ma ‘l fuq minn 200 tim, li jirrappreżentaw 23 pajjiż, fil-Kampjonati Dinjija tal-Klassi RS Feva li saru f’Follonica, l-Italja. Il-kontinġent tal-Klabb, immexxi…

Ibburdjar

L-eqdem tellieqa fil-kalendarju tat-tlielaq tar-Royal Malta Yacht Club, it-tellieqa Malta-Sirakuża, iċċelebrat id-59 edizzjoni f’Lulju. It-tellieqa, organizzata mir-Royal Malta Yacht Club u l-Lega Navale Italiana (Sezione di Siracusa) hija popolari ħafna,…

Ibburdjar

Ibburdjar: Il-baħħar żagħżugh Richard Schultheis kiseb suċċess personali u għal Malta fil-Kampjonat tad-Dinja Optimist meta spiċċa fit-tieni post fil-klassifika overall. Dawn il-kampjonati tad-Dinja li saru fil-gżira ta’ Antigwa intrebħu mit-taljan…

Aktar