Ibburdjar
Ibburdjar: Issir it-sitt edizzjoni tal-Beneteau Yacht Rendezvous

Yachting Malta reċentement ospitat Riceviment ta’merbħa tas-sitt ediżżjoni tal-Beneteau Yacht Rendezvous. Dan l-avveniment annwali, kien fil-passat jiġi miżmum f’Mallora, iżda din is-sena Beneteau Yachts (Franza) ġabu dan l-avveniment f’Malta.

Is-sitt edizzjoni ta’ dan l-avveniment, ġab flimkien ħdax il-jotti Beneteau, ta’ aktar minn ħamsin pied. Dawn il-jottijiet ħadu sehem f’numru attivitajiet soċjali kif ukoll tlielaq. Il-Beneteau Yacht Rendezvous kiseb popolarita kbira u fi ftit żmien stabbilixxa ruħu bħala l-opportunità perfetta biex tgħaqqad nies li jaqsmu passjoni komuni.

Barra mir-riċeviment ta’ merħba, il-parteċipanti setgħu jgawdu l-baħar madwar il-gżejjer Maltin permezz ta’ numru ta’ tlielaq madwar il-gżejjer ta’Kemmuna u Għawdex.

Filwaqt li matul il-ġurnata il-parteċipanti kienu qedin jbaħħru u jtellqu, fil-għaxija huma kellhom l-opportunita li jissoċjaliżżaw.

Meta indirizza lill-parteċipanti u ta merħba lill-organizzaturi, iċ-Ċerman ta’ Yachting Malta, is-Sur John Huber esprima s-sodisfazzjon tiegħu li jara avvenimenti notevoli bħal dawn jiġu ospitati f’Malta.

“L-Ibburdjar ma jikkonċernax biss tlielaq, iżda huwa wkoll jikkontribwixxi lejn il-bini ta’ komunità u netwerk attiva ta’ nies bl-istess delizzju u passjoni. Ninsabu kuntenti ħafna li naraw avvenimenti ta’ kalibru simili f’Malta.  Yachting Malta hija sostenitur ħerqan ta’ inizjattivi bħal dawn u nistennew nittamaw li nilqgħu s-seba’ edizzjoni ta ‘dan l-avveniment f’Malta. ”apjega John Huber, Ċerman, Yachting Malta Ltd.

Miktub minn...
TVM Sport