Ibburdjar
Ibburdjar: Seawolf of Southampton jirbaħ it-Trofew tar- Raymarine Double Handed Figure of Eight

Id-duo magħmul minn David Latham u Philippe Falle fuq il-jott Pronavia 38, Seawolf rebħu it-tellieqa Raymarine Double Handed Figure of Eight, tellieqa annwali  organizzata mir-Royal Malta Yacht Club.

Flotta ta’ tmintax-il jott bdiet it-tellieqa nhar is-Sibt 1 ta ‘Diċembru.  Bi tbassir ta’ irjieħ ħfief, ir-Race Officer Peter Dimech iddeċieda li jqassar ir-rotta għal-madwar Kemmuna.

Il-flotta telqet fit-tmienja ta’ fligħodu, u ġiet milqugħa minn xita u mbatt qawwi li kkawżat tfixkil mill-bidu nett. Il-kundizzjonijiet tat-temp komplew, bir-rwiefen jilħqu sa tletin mill nawtiku meta l-flotta waslet fin-Nofsinhar ta’ Malta. Dan ġie segwit minn maltempata qawwija li rriżulta f’diversi irtirar mill-flotta.

Lejn it-tmiem tat-tellieqa kienu dawk id-dgħajjes li baqgħu jippersistu li ġew ippremjat meta is-sema ċċarat u r-riħ tjieb sa biex jispiċċaw it-tellieqa  fid-dawl tax-xemx.

L-ewwel jott li spiċċa it-tellieqa kien il-First 45 Elusive 2 t’Aaron u Christoph Podesta, madankollu kien id-duo Latham / Falle fuq Seawolf, li, fuq ħin ikkoreġut, ħa r-rebħa fil-Klassi tagħhom kif ukoll il- it-trofew tar-rebbieħ overall.

Ir-rebbieħa tas-sena l-oħra Jamie Sammut u John Cachia fuq Solaris 45 Unica ppruvaw jirrepetu s-suċċess tas-sena  u baqgħu jissieltu sal-aħħar minuta. Minkejja xi diffikultà bl-ispinnaker fl-aħħar ħin tat-tellieqa huma rnexxilhom jirbħu il-klassi tagħhom.

Is-serata tal-Għoti tal-Premijiet saret fir-Royal Malta Yacht Club fost il-preżenza tal-kompetituri, ħbieb u membri tal-Club. Christian Ripard ta’ RLR Yachting, l-aġenti ta’ Raymarine f’Malta u sponsor tat-tellieqa ppreżenta premjijiet lir-rebbieħa.

Riżultati – Raymarine Double Handed Figure of Eight

 Overall & IRC Class 2

L-ewwel post – Seawolf of Southampton (Dave Latham / Philippe Farr)

It-tieni post  – Escape (Georges Bonello Dupuis / Dennis Gatt)

It-tielet post  – Fast Forward (Mark Vassallo / David Anastasi)

IRC Class 1

L-ewwel post – Unica (Jamie Sammut / John Cachia)

It-tieni post – Elusive 2 (Aaron Podesta / Christoph Podesta)

It-tielet post – Xpresso (Sean Borg / Matthew Agius Delicata)

RMYC Club Cruisers

L-ewwel post –  Velina (Paulo Giummara / Gaetano Salafia)

It-tieni post – Waki Waki (Tom Bonello Ghio / Tom Sammut Alessi)

It-tielet post – Gioia (Anthony Miggiani / Karl Miggiani)

Miktub minn...
TVM Sport
Aħbarijiet Oħra
Ibburdjar

Flotta mdaqqsa telqet lejn Marzamemi mir-Royal Malta Yacht Club fis-Citadel Marzamemi Regatta li saret reċentement. It-tellieqa hi waħda mill-favoriti fil-kalendarju tat-tlielaq tal-klabb minħabba li hi l-ewwel tellieqa offshore tal-istaġun kif…

Ibburdjar

It-tellieqa PVIES Double Handed madwar Malta, ospitata mir-Royal Malta Yacht Club u li seħħet reċentement, kienet mimlija kundizzjonijiet diffiċli ħafna. Hekk kif bdiet it-tellieqa, partikolarment meta l-flotta daret mal-Aħrax, kienet…

Ibburdjar

L-edizzjoni inawgurali tal-Kampjonat Dinji tal-Offshore Sailing se ssir f’Ottubru 2020 fil-Belt Valletta, Malta flimkien mar-Rolex Middle Sea Race. Imħabbra fl-2017, il-Kampjonat Dinji tal-Offshore Sailing ser jkunu pjattaforma b’saħħitha biex tkompli…

Ibburdjar

Huma erba’ Olandiżi r-rebbieħa tat-Talisker Whisky Atlantic Challenge, meta kienu huma l-ewwel li rnexxilhom jagħmlu d-distanza ta’ 3,000 mil mill-Gżejjer Kanarji s’Antigua u Barbuda. It-tim bl-isem ta’ The Dutch Atlantic…

Aktar