Futbol internazzjonali
Il-FIFA għadha mhix deċiża jekk tużax il-VAR fit-Tazza tad-Dinja tan-nisa s-sena d-dieħla

Fi tmiem l-edizzjoni tat-Tazza tad-Dinja ta’ din is-sena li saret fir-Russja, il-President tal-FIFA, Gianni Infantino, kien qal li ma jistax jimmaġina li tintlagħab kompetizzjoni daqstant kbira mingħajr l-għajnuna tat-teknoloġija VAR. Biss, dak il-kumment jidher li issa qiegħed iħawwad l-imħuħ, għaliex ħafna ma jafux jekk Infantino kienx qiegħed jirreferi biss għal-logħba tal-futbol tal-irġiel, meta fl-aħħar mill-aħħar irrefera għat-teknoloġija VAR bħala waħda indispensabbli.

Dan għaliex, s’issa għadha ma tteħditx deċiżjoni finali u uffiċjali jekk il-VAR hijiex ser tintuża’ fit-Tazza tad-Dinja tan-Nisa li ser issir is-sajf li ġej fi Franza. Il-FIFA donnha għadha qed ittella’ u tniżżel jekk tużax din is-sistema teknoloġika li tant evitat kontroversja fir-Russja. Huma diversi l-plejers u l-kowċis li jinsabu ddiżappuntanti li qiegħed ikun hemm it-tkaxkir tas-saqajn sabiex tittieħed deċiżjoni, aktar u aktar meta fl-Ewropa diversi pajjiżi qegħdin jużaw din is-sistema fil-kampjonati domestiċi tagħhom, u l-UEFA ser iddaħħal il-VAR mill-fażi tan-knockout taċ-Champions League.

Skond diversi plejers u kowċis involuti fil-futbol tan-nisa, din l-indeċiżjoni tal-FIFA qiegħda turi biċ-ċar li l-futbol tan-nisa għadu jitqies bħala tat-tieni klassi u li huwa xi ħaġa inqas minn dak tal-irġiel. Skont l-eks-difensur tal-Istati Uniti, Becky Sauerbrunn, “la l-VAR intużat fit-Tazza tad-Dinja tal-irġiel, mhemm xejn li għandu jżomm lill-FIFA milli jużaha fit-Tazza tad-Dinja tan-nisa, kif għandu jkun.”

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol internazzjonali

Chelsea, Arsenal, Valencia u Eintracht Frankfurt huma t-timijiet li se jkunu qed jilagħbu fis-semifinali tal-UEFA Europa League. Fil-partiti mit-tieni legs tal-kwarti tal-finali, huma rnexxielhom jikkwalifikaw għall-ispejjeż ta’ Sparta Prague, Napoli,…

Futbol internazzjonali

L-Assoċjazzjoni tal-futbol tal-Skozja ħabbret li keċċiet lil Alex McLeish minn kowċ nazzjonali. Id-deċiżjoni kien hemm qbil fuqa mill-Bord tal-Assoċjazzjoni f’laqgħa li saret dalgħodu mal-kowċ innifsu. L-assistenti tiegħu, Peter Grant, James…

Futbol internazzjonali

Pep Guardiola, il-kowċ ta’ Manchester City, nefaq €812,000,000 biex jirbaħ il-UEFA Champions League, mingħajr suċċess. Fit-tliet snin li għamel kowċ ta’ Bayern Munich bejn l-2013 u l-2016, Guradiola neffaq liċ-champions…

Futbol internazzjonali

Ftit tas-sigħat ilu, il-UEFA ħarġet id-dati taż-żewġ partiti tas-semifinali. L-ewwel legs jintlagħbu bejn it-30 ta’ April u l-1 ta’ Mejju. Fit-30 ta’ April, Tottenham Hotspur jilagħbu f’darhom kontra Ajax mentri…

Aktar