Futbol internazzjonali
Il-FIFA tingħaqad fil-protesti kontra l-mewt ta’ George Floyd

Il-FIFA ingħaqdet mal-kumplament tad-dinja billi waslet il-vuċi tagħha wkoll għall-mewt tal-Amerikan George Floyd li nqatel mill-Pulizija ta’ Minneapolis fil-ħin li kien arrestat.

Il-FIFA, flimkien ma’ diversi kampjonati, timijiet u plejers madwar id-dinja waslet is-solidarjetà tagħha għal dan it-traġedja li seħħet fil-jiem li għaddew.

In-National Football League, in-National Hockey league u n-National Basketball Association ħarġu stqarrijiet kontra r-razziżmu madwar id-dinja.

Il-FIFA qalet li bħala l-Assoċjazzjoni dinjija tal-futbol dejjem kienet kontra kull tip ta’ razziżmu u li se tibqa’ tagħmel il-kampanji tagħha dwar dan.

Miktub minn...
TVM Sport