Futbol internazzjonali
Il-finali tal-Kampjonat UEFA Under 17 tan-Nisa diretta fuq TVM2 fis-13:00
Olanda - Ġermanja fil-finali

Il-finali tal-lum tal-Kampjonat tal-UEFA għat-tfajliet taħt is-17-il sena bejn l-Olanda u l-Ġermanja se tixxandar diretta fuq TVM2 fis-1 ta’ wara nofsinhar.

Tmien timjiet għaddew għall-fażi finali li qed tintlagħab fil-Bulgarija. It-timijiet kienu maqsuma f’żewġ gruppi: bl-ewwel tnejn klassifikati jikkwalifikaw għas-semifinali. L-Olanda għelbu lir-rebbieħa ta’ Grupp A Spanja 3-1: waqt li r-rebbieħa ta’ Grupp B l-Ġermanja rebħu 2-0 mal-Portugall.

Meta ltaqgħu fi Grupp B, kienu l-Olandiżi li ħarġu rebbieħa 3-2 fuq il-Ġermanja li eventwalment rebħu l-grupp b’differenza ta’ goals aħjar minkejja punti ndaqs.

Il-finali tal-lum se tintlagħab fil-belt Bulgara ta’ Albena fuq il-Baħar l-Iswed u se tkun ikkontrollata mir-referee Rumena Iuliana Demetrescu.

Din hija t-tnax-il edizzjoni tal-UEFA Women’s Under 17 Championship. Il-Ġermanja għandhom rekord ta’ sitt suċċessi, warajhom il-holders Spanja b’erbgħa. Il-Polonja rebħu l-edizzjoni l-oħra.

Nhar il-Ħadd li ġej fuq TVM2 wkoll fl-10 ta’ filgħaxija se tintwera l-finali tal-Kampjonat U17 tal-UEFA għall-iġiel bejn l-Olanda u l-Italja.

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm 90 Minuta.
Aħbarijiet Oħra
Futbol internazzjonali

Bidu xejn feliċi għal Diego Armando Maradona bħala kowċ ta’ Gimnasia y Esgrima wara li fl-ewwel logħba huma tilfu 2-1 f’darhom kontra Racing. Maradona, li ħa lit-tim f’idejh mill-ġimgħa li…

Futbol internazzjonali

Serie A 2019/20 Riżultati tat-3 ġurnata Genoa 1 – 2 Atalanta Brescia 3 – 4 Bologna Parma 1 – 3 Cagliari Spal 2 – 1 Lazio AS Roma 4 – 2 Sassuolo

Futbol internazzjonali

KAMPJONAT PREMIER INGLIŻ Fil-ħames ġurnata tal-kampjonat Premier Ingliż, Norwich City ħasdu għal kollox liċ-champions Manchester City billi rebħulhom bl-iskor ta’ 3-2. Din kienet l-ewwel telfa fil-kampjonat għas-Citizens. Norwich stabilixxew vantaġġ…

Futbol internazzjonali

Fit-23 Laqgħa Ġenerali Annwali tal-Assoċjazzjoni tal-Klabbs Ewropej li saret f’Ġinevra, l-klabbs insistew fit-talba tagħhom biex ikun hemm riforma fil-kompetizzjonijiet ewropej. Il-proposta ppjanat li tibda fis-sena 2024 tinkludi l-formazzjoni ta’ tliet…

Aktar