Futbol lokali
Il-football lokali kollu sospiż b’mod indefinit
L-ebda data għal meta jista' jitkompla

L-MFA issospendiet il-football kollu f’Malta u Għawdex b’mod indefinit.

Id-deċiżjoni ttieħdet mill-bureau tal-assoċjazzjoni li ddiskuta s-sitwazzjoni attwali tal-coronavirus f’telekonferenza bejn il-membri tiegħu llum. Id-deċiżjoni tgħodd anke għall-futsal.

L-attivitajiet kollha tal-football u l-futsal qabel kienu sospiżi sal-5 t’April iżda dan l-iżvilupp ifisser li kollox se jibqa’ wieqaf, mingħajr data meta jista’ jkompli.

Linji gwida dwar l-għażliet differenti possibbli f’dan ix-xenarju mistennija jingħataw mill-UEFA f’video-conference għas-segretarji ġenerali tal-55 assoċjazzjoni membu nhar l-Erbgħa li ġej: meta għandu jiġi diskuss il-progress fiż-żewġ working groups maħtura mill-UEFA dwar il-futur tal-kampjonati domestiċi u l-kompetizzjonijiet Ewropej.

Nhar l-Erbgħa wkoll l-MFA se tlaqqa’ l-Kumitat tad-Djalogu Soċjali f’telekonferenza oħra biex taġġorna lill-membri dwar is-sitwazzjoni fid-dawl tal-impatt negattiv li qed tħalli l-kriżi coronavirus fil-qasam tal-football.

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm 90 Minuta.
Aħbarijiet Oħra

Il-mira tal-imprenitur Joseph Portelli, f’isem Hamrun Spartans, hi dik li “jirbaħ il-kampjonat u jimla Strada Rjali bin-nies“. Dan qalu Portelli stess fuq il-mikrofonu ta’ TVMSport hekk kif intemmet il-konferenza tal-aħbarijiet,…

UEFA Europa League: Rd 2 ta’ Kwalifikazzjoni Hibernians…0 Fehérvár…….1 Goal waħdani mas-siegħa logħob ra lil Hibernians eliminati fit-2 Round ta’ Kwalifikazzjoni tal-UEFA Europa League minn Fehérvár tal-Ungerija. L-ewwel taqsima rat lill-Ungeriżi fil-parti…

L-MFA illum sejħet lill-media sabiex tagħti l-aħħar dettalji tal-preparazzjonijiet li qed issiru qabel il-bidu tal-kampjonat BOV Premier 2020/21 u r-regolamenti straordinarji li kellhom jidaħħlu f’din in-normalita’ ġdida. Is-Segretarju Ġenerali tal-MFA…

Fin-National Football Stadium ta’ Windsor Park f’Belfast, iċ-champions lokali Floriana llejla jeħduha kontra ċ-champions tal-Irlanda ta’ Fuq Linfield għal post fit-3 Round ta’ Kwalfikazzjoni tal-UEFA Europa League. Floriana sabu ruħhom…

Aktar