Sports Internazzjonali
Il-Ġermaniża Sophia Floersch mistennija terġa’ ttellaq is-sena d-dieħla

Is-sewwieqa Ġermaniża ta’ Formula 3, Sophia Floersch, qalet li tirringrazzja lil Alla li baqgħet ħajja wara l-inċident gravi li kellha fil-Grand Prix ta’ Macau. It-tobba tal-isptar San Januario f’Macau qalu li Floersch għandha bżonn ftit xhur sakemm tirkupra għal kollox mill-ksur fl-irkiekel ta’ daharha, imma s’issa diġa’ għamlet passi kbar ‘il quddiem fil-konvalexxenza tagħha. Floersch qalet li din kienet l-ewwel ħabta kbira tagħha fil-Formula 3, u għalkemm damet ftit jiem mhux ħażin sakemm reġgħet ġiet f’tagħha, saħqet li hija lesta tirritorna fil-karozza malli tkun fiżikament tajba, u dan sabiex tibhda kapitlu ġdid f’ħajjitha.

It-tlielaq tal-Formula 3 twaqqfu wara l-Grand Prix ta’ Macau, u dan minħabba li l-organizzaturi jridu jagħmlu ċert li f’kull ċirkwit li jsiru t-tlielaq, il-miżuri tas-sigurtà jkunu għall-massimu tagħhom, wara li fit-18 ta’ Novembru li għadda, s-sewwieqa Floersch litteralment taret bil-karozza b’kollox u ħabtet b’saħħa eċċessiva mal-barrikati u ż-żona fejn kien hemm il-fotografi.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Sports Internazzjonali

Il-belt Taljana Milan rebħet il-bid biex tospita dawn il-Logħob. Il-Logħob Olimpiku se jiġu osptati fis-resort Cortina d’Ampezzo. Id-deċiżjoni mill-Kumitat Olimpiku internazzjonali ttieħdet illum għal ħabta tas-18.00. Milan għelbet lill-belt kapitali…

Sports Internazzjonali

Il-Brażiljan Filipe Toledo u l-Awstraljana Sally Fitzgibbons rebħu l-kategoriji tagħhom fil-World Surf League li sar f’Rio, il-Brażil. Għal Toledo ma kenitx diffiċli li jegħleb l-isfida ta’ Jordy Smith mill-Afrika t’Isfel…

Sports Internazzjonali

Il-pjazza Place de la Concorde, fiċ-ċentru ta’ Pariġi, dalgħodu ddawret f’post atletiku b’courts, trakki u skate park f’dik li ssejħet Olympic Day. F’din it-tielet edizzjoni tal-Olympic Day, il-Parġini bdew ifakkru…

Formula 1

Lewis Hamilton żied il-vantaġġ li għandu fil-klassifika b’rebħa oħra fil-Grand Prix tal-lum li saret fi Franza. Din kienet ir-raba’ rebħa konsekuttiva għas-sewwieq Ingliż. Għall-Mercedes din kienet l-10 rebħa konsekuttiva u…

Aktar