Formula 1
Il-GP tal-Messiku ser jibqa’ fuq il-kalendarju għat-tliet snin li ġejjin

Il-Grand Prix tal-Messiku ser jibqa’ fil-kalendarju tal-Formula 1 għat-tliet snin illi ġejjin wara li kien iffirmat kuntratt ġdid. L-isem tat-tellieqa ser jinbidel għal Mexico City Grand Prix mis-sena d-dieħla, fejn minflok 21 tellieqa ser jibda jkun hemm 22.

Skont is-Sindku ta’ Mexico City, Claudia Sheinbaum, il-ftehim il-ġdid kien ibbażat fuq mudell finanzjarju ġdid bl-użu ta’ riżorsi pubbliċi u l-biljetti ser jibqgħu bl-istess prezzijiet tal-passat. Kien fil-Grand Prix tal-Ungerija li t-timijiet qablu bejniethom li jkun hemm estensjoni sa mill-istaġun li ġej, fejn ser jiżdiedu t-tlielaq fil-Vjetnam u l-Olanda, filwaqt li ser titwaqqaf it-tellieqa tal-Ġermanja.

Il-Grand Prix tal-Messiku reġa’ rritorna fuq il-kalendarju tal-Formula 1 sa mill-2015, wara assenza ta’ 23 sena. It-tellieqa ta’ din is-sena ser issir nhar il-Ħadd 27 t’Ottubru, fejn ser issir pari ma’ dik tal-Istati Uniti f’Austin.

Żgur illi l-Grand Prix tal-Messiku hija waħda mill-aktar favoriti għall-Brittaniku Lewis Hamilton għax kemm fl-2017 u anke fl-2018 kien fuq dan iċ-ċirkwit li rnexxielu jirbaħ it-titlu tal-Formula 1.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Formula 1

Il-kostrutturi Williams nhedew il-karozza l-ġdida tagħhom hekk kif l-ex champions tad-dinja se jkunu qed jippruvaw jagħmlu qabża fil-kwalità wara l-aħħar staġun fallimentari li kellhom li fih spiċċaw fl-aħħar post. It-tim…

Formula 1

Il-Ferrari żvelaw il-karozza l-ġdida tagħhom għall-istaġun li ġej bl-isem ta’ SF 1000. Iċ-ċermonja saret fit-Teatro Valli, f’Reggio Emilia u bdiet b’diskors minn Louis Camilleri, Kap Eżekuttiv tal-Ferrari. Il-Ferrari se jkunu…

Formula 1

L-Awtoritajiet tal-isport f’Shanghai rrikomandaw is-sospensjoni tal-attivitajiet sportivi kollha tal-pajjiż minħabba l-marda tal-coronavirus. L-awtoritajiet komplew jitfgħu aktar dubji dwar il-Grand Prix fiċ-Ċina u jekk jaqbilx li ssir jew le. Ir-raba’ Grand…

Formula 1

Iċ-ċirkwit ta’ Zandvoort ser jerġa’ jieħu l-ħajja hekk kif f’Mejju ta’ din is-sena ser tirritorna l-Formula 1, f’pajjiż li ilu ma’ jsir Grand Prix fih sa mill-1985. It-track hija xi…

Aktar