Futbol internazzjonali
Il-Kompetizzjoni e-Euro is-sibt u l-Ħadd fuq tvm.com.mt/sport

Is-Sibt u l-Ħadd fuq il-mezzi diġitali ta’ TVMSport se nkunu qed inwasslulkom il-fażi finali tal-kompetizzjoni e-Euro: l-ewwel tournament tal-e-football għat-timijiet nazzjonali li qatt sar fuq skala Ewropeja.

Fil-kompetizzjoni ħadu sehem il-ħamsa u ħamsin assoċjazzjoni membru tal-UEFA li minnhom wara proċess ta’ selezzjoni li beda s-sena l-oħra, sittax-il team għaddew għall-fażi finali: l-Awstrija, il-Bożnja-Herzegovina, il-Kroazja, id-Danimarka, Franza, il-Ġermanja, il-Greċja, Iżrael, l-Italja, il-Lussemburgu, il-Montenegro, l-Olanda, ir-Rumanija, is-Serbja, Spanja, u t-Turkija.

It-timijiet finalisti huma maqsuma f’erba’ gruppi, bi tnejn minn kull grupp jgħaddu għall-kwartifinali. Il-logħob jibda kmieni s-Sibt wara nofsinhar u jibqa’ għaddej sal-11 ta’ filgħaxija: bil-Grand Finals skedati għall-Ħadd mis-18:30 ‘il quddiem. It-team rebbieħ jieħu premju ta’ 40,000 ewro.

Il-partiti jistgħu jiġu segwiti fuq tvm.com.mt/sport kif ukoll fuq il-facebook page ta’ TVMSport.il-

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm 90 Minuta.