Futbol internazzjonali
Il-Kowċ Nazzjonali Ray Farrugia jappella għall-għaqda fost il-Maltin

Il-Kowċ tat-team Nazzjonali Malti Ray Farrugia jemmen li jekk it-team jirnexxielu jirrepeti affarijiet pożittivi li l-players għamlu fil-logħba kontra l-Gżejjer Faroe it-team jista’ jikseb riżultat pożittiv kontra l-Ażerbajġan it-Tnejn filgħaxija f’Ta’ Qali.

Lejliet it-tieni logħba minn UNL Grupp D3 Farrugia ma qagħdx lura milli jistqarr li hu dispjaċut ħafna u rrabjat bir-riżultat kontra l-Gżejjer Faroe u ametta li jekk it-team irid riżultat aħjar kontra l-Ażeri ma jistgħux ikunu ripetuti żbalji bħal dawk. Skond hu fost l-affarijiet pożittivi li ra fil-logħba tal-Ġimgħa filgħaxija kien il-fatt li t-team attakka ħafna.

Viżibilment irrabjat Ray Farrugia ma qadx lura milli jikkumbatti l-kritika li saret fil-konfront tat-team u tal-MFA, u żied li jaf li kien hemm individwi li kienu qed jistennew din it-telfa biex jikkritikaw.

Meta mistoqsi minn TVM Sport sabiex jiddentifika u jsemmu minn huma dawn l-indiviwdi Farrugia pprefera ma’ jsemmi l-ħadd.

Wara li kkalma l-kowċ tkellem mal-mikrofonu ta’ TVM Sport dwar kif misetnni jilgħab kontra l-Ażerbajġan.

Fil-Konferenza Stampa tkellem ukoll Andre’ Schembri li qal li jemmen li qatt bħal dan iż-żmien m’hu qed jieħu pjaċir jilgħab man-Nazzjonal. Hu tenna li jinsab pożittiv li Malta tista’ tirbaħ din il-logħba.

Malta – Ażerbajġan tintlgħab it-Tnejn fid-8.45pm fl-Istadium Nazzjonali b’xandira diretta fuq TVM2

Miktub minn...
TVM Sport
.
Aħbarijiet Oħra
Futbol internazzjonali

Barcelona akkwistaw liż-żagħżugħ Olandiż Frenkie de Jong mingħand it-tim t’Ajax għas-somma ta’ €86 miljun. De Jong ser ikun qiegħed jingħaqad mat-tim Katalan fi tmiem dan l-istaġun, bil-plejer ta’ 21 sena…

Futbol internazzjonali

Gonzalo Higuain huwa uffiċjalment plejer ta’ Chelsea wara li lbieraħ filgħaxija sar it-trasferiment tiegħu b’self mingħand it-tim ta’ Juventus sa tmiem l-istaġun. L-Arġentin ta’ 31 sena kellu l-ewwel nofs tal-istaġun…

Futbol internazzjonali

Burton Albion……0 Manchester City…1 (agg. 0-10) Gowl uniku ta’ Aguero kien biżżejjed biex Manchester City għamlu ċert li jkunu rebħu ż-żewġ legs tas-semifinali tal-EFL Cup meta marru għand Burton Albion…

Futbol internazzjonali

Partita ta’ ħbiberija_Stadium Nazzjonali Mas Taborsko (Repubblika Ċeka) ……… 1 Floriana (Malta) ……………………………… 2 Il-progress ta’ Floriana mill-bidu tas-sena ‘l hawn ikompli jħalli l-frott hekk kif f’logħba ta’ ħbiberija l-Erbgħa…

Aktar