Basketball
Il-Kunsill tal-Malta Basketball Association jikkanċella l-kompetizzjonijiet

F’laqgħa tal-Kunsill tal-Malta Basketball Association li saret l-Erbgħa filgħaxija ġie deċiż li l-kampjonati kollha tal-basketball jiġu kkanċellati għal dan l-istaġun minbarra l-kampjonat tal-U23 tan-Nisa li diġà kien tlesta.

Wara li x-xahar li għadda kienu kkanċellati l-kampjonati tal-irġiel u tan-nisa għall-istaġun 2019/20, il-Kunsill tal-MBA kien wiegħed li ser jerġa’ jiltaqa’ f’Mejju sabiex jiddeċiedi dwar kompetizzjonijiet oħra u l-kampjonati taż-żgħażagħ li kienu posposti f’April. B’deċiżjoni unanima tal-Kunsill tal-MBA ġie deċiż li kull kompetizzjoni u kampjonat jiġu kkanċellati u b’hekk tniżżel is-siparju fuq l-istaġun 2019/20. L-uniku kampjonat mitmum kien tal-U23 tan-nisa li ntrebaħ minn Starlites.

 

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA