Waterpolo
Il-LEN tiċħad akkużi ta’ ħlas irregolari lill-kumpanija taljana

Il-Federazzjoni Ewropeja tal-isport akwatiku l-LEN ċaħdet rapporti li dehru fil-ġurnali Frankfurter Allgemeine, s-Sunday Times tal-Ingilterra u d-Daily Telegraph fl-Awstralja dwar akkużi ta’ nuqqas ta’ trasparenza u użu ħażin tal-finanzi mill-kumitat Eżekuttiv.

Il-ġurnali rraportaw il-bieraħ li għandhom kopja ta’ dokumenti li ntbgħatu kemm lill-FINA u anke lill-pulizija taljana dwar ħlas lil xejn inqas minn tliet kumpaniji taljani għal xogħol li qatt ma sar. Fir-rapport jisemmew l-ismijiet ta’ dawn il-kumpaniji li huma Elevan, kumpanija tal-assigurazzjoni, CIR AUR u Eurozona li jispeċjalizzaw fil-propjeta’.

L-allegazzjonijiet qed isiru fuq ħlas ta’ €24,000 lill-kumpanija CIR AUR li l-President tal-LEN Paolo Barelli għandu sehem fiha. Dawn jidher li ngħataw kuntratt biex jgħinu fl-għażla tal-kuntratti għad-drittijiet televiżivi. Fl-2014 Barelli kien investigat fuq is-somma ta’ €920,000 li kienet ingħatat mill-FINA biex isir xogħol f’Pixxina f’Ruma qabel il-Kampjonati tad-Dinja ta’ dik is-sena.

 

Miktub minn...
TVM Sport
.
Aħbarijiet Oħra

Kampjonat BOV tal-Ewwel Diviżjoni – Play-offs Otters Nivea 4   Marsaxlokk Brown’s 11 Rebħa komda oħra għal Marsaxlokk kontra Otters meta rebħulhom 11-4. Ix-Xlukkajri rebħu l-erba’ sessjonijiet 2-1, 4-2, 2-1 u…

Fil-Pixxina Nazzjonali llejla jintlagħbu l-logħbiet ta’ ritorn tal-play-offs tal-Kampjonat tal-Ewwel Diviżjoni. Fl-ewwel logħbiet bejniethom jumejn ilu, Marsaskala kienu rebħu lil Ta’ Xbiex b’gowl wieħed, filwaqt li Marsaxlokk kellhom vantaġġ komdu…

Kampjonat BOV Premier Exiles Ferretti 8   Sirens Mecca Marine Enterprises 9 Il-gowl farrad minn 17 kien biżżejjed biex Sirens għelbu lil Exiles bil-punteġġ ta’ 9-8 f’logħba kumbattuta mill-Kampjonat BOV Premier….

Aktar