Virtual Sports
Il-Malta Motorsport Federation u World Pro Racing jorganizzaw l-ewwel serje uffiċjali ta’ tlielaq GT
Sensiela ta' ħamest itlielaq kollha diretti hawnhekk fuq tvm.com.mt/sport

Mil-lejla paġna ġdida fl-istorja tal-motorsport diġitali hawn Malta bl-ewwel xandira diretta ta’ tellieqa virtwali tal-karozzi GT għal sewwieqa lokali.

Tlettax-il sewwieq se jiffaċċjaw lil xulxin fuq it-trakka virtwali ta’ Spa Francorchamps fl-ewwel minn ħamest itlielaq mis-sensiela uffiċjali Gran Turismo organizzata bi sħab bejn World Pro Racing u l-Malta Motorsport Federation.

Fuq l-iscreens tagħkom bħalissa qed taraw is-sessjoni uffiċjali ta’ prattika li għadha kemm bdiet. Fid-20:45 tibda l-kwalifika u fid-21:00 it-tellieqa propja fuq ħmistax-il dawra.

Tistgħu ssegwu l-attività kollha kemm hi fil-paġni sportivi tal-portal ta’ Television Malta tvm.com.mt kif ukoll fil-facebook page ta’ TVMSport.

It-tlielaq f’din is-serje se jkunu dejjem nhar t’Erbgħa u huma l-bidu tal-proċess biex jitwaqqaf kampjonat nazzjonali tas-sewqan diġitali: bir-rebbieħ eventwalment jirrappreżenta lil Malta fl-FIA Motorsport Games.

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm 90 Minuta.